#ظلم_بلا_ذنب
#الجزء_الثاني
#البارت_العاشر
#الكاتبه_سرى_ 🤍
أيا حزن ابتعد عني ودع جرحي يزل همي وإنّي بك يا حزني غيـر العذاب لا أجني أيا حزن مالك مني؟ ألا ترى الّذي بي يكفيني؟ تعبت من كثرة التمني ولست أنت بحائلٍ عني أيا حزن لا تُسئ ظني فأنت في غنــــىً عني فلي من الآلام ما يبكــــي ولي من الجروح ما يدمي ألا يا حزن أتعتقد أنّني منك اكتفيت ألم يحن الأوان بعد ألم يحن زوالك يا حزني؟
دخلت للغرفه وأنصدم من المنضر اللي شفته كدامي ومن الصدمه وكعت الصينيه من ايدي
معقوله اللي دااشوفه صحيح يعني اني صاحيه مــ متوهمه
عمامي كبال عيني عمو فاضل عمو عبد القادر خوالي ثنين واحد من الأقارب ابن عم بابا اسمه ولاء وثنين مااعرفهم
مــ حسيت على شي غير انو اني بحضن عمامي والكل ملتمين فوك راسي
. بشهكه عمووو اجيتو لعد وين بابا
لؤي... من سنه واهل براء يحاولون يتصلون ويوصلون الــ براء ولو بــ شي بسيط بس يوسف دائماً يدزلهم خبر انو هوه وبراء خارج العراق وميكدرون يرجعون حالياً
بيوم مااعرف منو من طرفهم يراقب البيت وشايف براء طالعه وسائلها انتي منو وشنو اسمج مــ مجاوبه وبيوم هيه جانت راجعه من الجامعه وهذا الولد سائل عسولي وعسولي كايله اسمها براء وهوه متأكد منها ورايح وكايل الأهلها انو براء موجوده ويوميه تطلع الصبح وترجع الضهر
سمعو اهلها وبقو بين العشيرتين يتواصلون بــ هالفتر براء صاير الها 8 سنوات عدنه واهلها بقو يداعون بــ بنتهم براء
براء كُلشي متعرف ومــ خليناها تحس على شي لان براء ذكيه بــ شكل وتحس اذا اكو شي مو طبيعي جانو عمامي يجونه ويحجون ويه يوسف بــ خصوص براء وأهلها
ويوسف يرفض رفض قاطع باللقاء مع اهلها أو رحيل براء
صار كلام وبعدين يوسف اضطر يكول براء متريدكم ورفضت تشوفكم
ختفوا فتره ورجعوا يسألون عليها ويريدون يشوفونها حتى لو من بعيد
ويوسف مــ جان يوافق ابد وعمامي بقو يحجون وهددو يوسف اذا بقه رافض راح يصير الموضوع بالأجبار وياخذونها بالقانون والعشائر وهذا من حقهم
بالكوات قنعنه يوسف انو يشوفونها عمامها وخوالها ما عدا اهلها ممنوع وفعلاً اتفقو بيوم يجون ويشوفونها وبراء غافله عن كل هالأمور
اجوي عمامها وخوالها وصار كلام
يوسف. ممنوع تكلولها شي أو تحجولها أي شي عن السنين اللي مرت واني متأكد راح تعاتبكم وتكُللكم ليش عفتوني ومااعرف شنو اسمعو منها لا تنطوها كلام لان حالياً دتدرس بس تكمل دراستها ادزها الكم مااريدها تلتهي عن شي
.. حجالهم كُلشي هي تعرفه عن اهلها حتى اذا براء حجت شي مــ يستغربون الموضوع
وصار كلام قوي وصياح بعدين هدئوا وكالو صيحولنه براء
جبنه براء وامي ناطيتها الضيافة بأيدها اول مــ دخلت وشافتهم جسمها تبند وكعت من طولها
حضنوها عمامها بلهفه فزت براء
اول مــ فتحت عيونها سألت على ابوها ودموعها تنزل وشويه شويه بدت تصحصح
أنت تقرأ
ظلم بلا ذنب
General Fictionيحكى ان هناك فتاة ظلمت وتعذبت ولذلت وأُهانت بلا ذنب 🥺😔 تعب من كل شي فارقت كل أهلها وأحبابها كانت لطيفه ومرحه لكن نسرقت ضحكتها عن وجهها بعد ان حَكَمَ عليها بالفراق والظلم من غيرِ ذنب 💔 اتمنى تعجبكم القصه (حقيقية) ❤🌹
