ظلم بلا ذنب

البارت الأخير

ضروري تقرون البدايه حرفياً على براء لمن راحت فصليه ❤

#ظلم_بلا_ذنب
#الجزء_الثاني
#البارت_الأخير..
#الكاتبه_سرى_ 🤍

جابوها دفع للدار لا ديرم ولا حنّه ولا صفكه
ولا دف النعر بالسلف لا هلهوله لا ملكه
سألت الناس عن قصتها البنيّه
عجب جاروا عليها بغير حنيّه
ردّيت بكلب حزنان من كالولي فصليّه
لعنت ظلم التقاليد بألف حركه
املها الأخضر الهرفي بسعر اليابس تحركه

احديثه نكول حوريّه
بربيع العمر ميّاله
حرام دموعها الطيبات عالخدّين هماله
وين العطف والرحمه يفصّاله
لا سوّت ذنب لا هي جتّاله

غصبتوها.. ظلمتوها
حرمتوها.. هظمتوها
وهبتوها لشخص ظالم
حتى من العقل ما يملك وشاله

يحاجيها بدفرته وكال فصليه
عساها ابّخت من فصْلوا
وانطوا مهرة الفارس لوادم ماهي خيّاله
حوبتها وراهم دوم تحركهم بكل شهكه.

تتحسّر تدير العين
محّد يرحم الشكوى
اسيرة تكول جابوها
بلا رحمه ولا سلوه
يديوان السلف بسّك فحطنه
من الفصل والثار والنهوة

تمرمرنه نريد العشره والخوّه
نريد احجاية الحلوه
نريد الشوك والعشره والمروّه.

الأخذ منكم الفصليّة انشدوا بحالها اشسوّه
من الهضم والجوع تتلوّه
من حبها حرمتوها
من ولف الجهل كوّه غصبتوها
ماكو اظلم من اليسعون بالفركه.

يوسف. براء بابا اللي طلب من اهلج وكللهم تبرو من منها حتى تكدر تكمل حياتها وتعيش طبيعي وبابا هددهم اذا تبقين تبجين وأهلي وأهلي نأذيج وزوجج ديأذيج بسبب هالشي واهلج بالبدايه مــ وافقوا بس بعدين خوفاً عنج وافقو ولمن اتصلتي بيهم ابوج قسه وياج بكلامه وتبره منج وهذا كُله مــ جنه نعرف وأسألي الولد واني لمن اهلج تصرفوا هالتصرف تفاجأت وبوقتها نقهرت عليج وبابا لمن جان على فراش الموت كعدنه اني والولد وحجالنه الموضوع كُله تفاجأنه حالنه من حالج

براء. بــ دموع بس ليش هيجي حرام والله

يوسف. خلي اكمل كلامي
بابا قبل مــ يتوفه انطاني صلاحية بــ كُلشي اكدر اسوي اكدر اخذج الأهلج واكدر اتركج واكدر اتصل بأهلج واخليج تحجين وياهم وكل هالأمور بس اني لمن اريد اخطي هيجي خطوه أكو شي يمنعني بصراحه ردت ارجعج الأهلج بعد وفاة بابا هوايه فكرت بالموضوع بالأخص لمن اشوفج منهاره وتبجين عليهم بس اكو شي يمنعني ومــ جنت اعرفه شنو الى ان كتشفت اني احبج ولمن كتشفت هالشي بقيت احاربج واحارب نفسي في سبيل اطلعج من كلبي أو انساج ومن هالامور بس كل يوم اتعلق بيج اكثر وأكثر جنت اتعذب وأعذبج وياي وما أريد استسلم وحتى مثل مــ تعرفين اني مرتين ردت اتزوج وجنت جاد بــ هالخطوه بس من تصير صدُك مااكدر

المهم اجه الوقت اللي اهلج رادو يعرفون بنتهم ليش متريدهم وبقوا يسألون ويترددون علينه رجعنالهم خبر براء مسافره وبيوم من الأيام واحد من طرف اهلج شايفج وسائلج انتي شنو اسمج وممجاوبته وسائل عسولي وكايله اسمها براء وهوه راح وانطه خبر الأهلج انو هوه شافج وانتي موجوده بــ بغداد
ورجعو يسألون ويريدون يشوفونج وبكُل الطرق نبعدهم عنج ونبعدج عنهم وهمه يغيبون فتره ويرجعون يسألون فتره
بيوم همه على اساس انتي دازتلهم وحاجيه وياهم اذا تتذكرين بــ عرس هدى لمن حبستج ثلاث ايام على اساس متواصله وياهم قبل العرس بــ يومين واجو اخوج وابوج بيوم العرس بالليل وكلولنه براء اتفقت ويانه نشوفها هنا