ظلم بلا ذنب

البارت الخامس عشر

#ظلم_بلا_ذنب
#البارت_الخامس_عشر
#الكاتبه_سرى_ 🤍
طِفلةٌ لٰكنْ تتألم رُغمَ صُغرِ سِنها
وَلَمْ يَحُقُ لَها الدِفاعِ عن نَفسُها مَهما كانت الضُروفْ هَل هٰذا ذَنبي
كَيفَ لو كُنتَ في حُضنِ أُمي هَل هوه نَفسُ العَذابُ والحِرمان أم أنا البِنتُ المُددلَلَه أُريدُ ان أشعُر بالحَنانُ والدِفئ

.. راحو واني بقيت حايره منين اتوجع من راسي من أيدي زين منين ابجي من القهر لو من الوجع أنضف بالكاع ويرجع راسي ينقط دم وأرجع امسح بهالأثناء دخلت هدى

هدى. هيييييء شنو هذا الدم عزه انتي مدتتوجعين اشو حتى متبجين

براء. باوعت عليها بدون كلام

هدى. يمه اسم الله شبيج براء انتي واعية زين ابجي من الوجع عيطي شنو انتي متحسين عزه العزاج

براء. كلشي مبيه

لؤي... اروح للجامعه على كد المحاضرات وأرجع للبيت كلش مالي واهس الأي شي بس نتبهت انو سبأ صارلها فتره ماكو اكثر من اسبوع بس مسألت عليها ابد بيوم اني كاعد دااتجهز الأمتحان عملي هذا الأمتحان كلش مهم مصيري لازم انجح بي كاعد عالمسطبات بأمان الله وسمعت صوطها

سبأ. هيجي نسيتني وحتى سؤال متكلف نفسك وتسأل عليه؟

. مــ حجيت شي

سبأ. لؤي دااحجي وياك وهايه التصرفات بطلها قبل مااصرخ والم عليك الجامعه كلها

لؤي. هههههههه مشهودتلج

سبأ. انت واحد *** وحقير

لؤي. شهاده اعتز بيها

سبأ. وين الأشياء الي ضامها اليه

. مــ جاوبتها

سبأ. دااحجي وياك بصوت عالي

لؤي. وووطي صوطج

سبأ. دااحجي وياك جاوبني

لؤي. شرايده

سبأ. لؤي اخر مره اسأل شنو الأشياء اللي ضامها عليه وهددتني بيها

لؤي. ههههههه صور وفيديوات أي حركه ناقصه منج راح افضحج بيهن

سبأ. اوك احذفهن

لؤي. دللي بعد رايده شي

سبأ. هسه احذف كدامي

لؤي. اوك عادي ماعندي مشكله بس ترى موجودات بالبيت يعني لا عبالج اني غبي مثلج بكل مكان اكو نسخه

سبأ. يا عديم الشرف

لؤي. هههههه اتركيني بحالي وتفكيرج النكس ابعديني منه مراح يصير عليج شي بس أي لعبه قذره تسوينها ثقي بالله راح تتأذين اكثر مني

سبأ. لؤي

لؤي. عيونه

سبأ. تعبتني ترى كافي ارحمني بدموع