ظلم بلا ذنب

البارت الثامن

#ظلم_بلا_ذنب
#الجزء_الثاني
#البارت_الثامن
#الكاتبة_سرى_🤍

قبل أن تتلاعب بمشاعري، ثق تماماً أنّ الأشياء المهشَّمة يصعب جبرها.

لم أسمع صوته منذ مدة ولكنني أتذكر ضحكته وأتذكر كلامه الذي كان يسعدني فقط أفتقده بشدة.

وقد ينكسر في النفس شيء لا يجبره ألف اعتذار.

لا تبكي على أي علاقة في الحياة؛ لأنّ الذي تبكي من أجله لا يستحق دموعك والشخص الذي يستحق دموعك لن يدعك تبكي أبداً.

براء. لا ماكو شي بس لازم تعرف اللي صار وتعرف اني شبيه لان هسه أو بعدين راح تعرف وهم عيب من لؤي مــ نريد تصير حزازيات

يوسف. ماشي

براء. يعني اذا سألتني احجيلها

يوسف. اي بس مو بالتفاصيل عيني

براء. اوك عيني

.. بنفس اليوم بالليل دخلتلي رؤى يوسف جان طالع وأول مره تدخل للغرفه لان عروسه جديده جنت متمدده كعدت على حيلي

رؤى. مرحبا

براء. اهلاً مراحب

رؤى. شلونج

براء. تمام الحمدلله

رؤى. اني اسفه على اللي صار بالفندق

براء. لا عادي تصير مرات سوء فهم

رؤى. بس ممكن افهم شغله منج

براء. اي تفضلي

رؤى. يعني هسه اني لو احضن يوسف ومنير تقبلوها عليه اللي اعرفه عيب مو صح

براء. اخذت نفس بــ قلة صبر     انتي وحد وتختلفين هسه تكليلي ليش انتي غريبه عليهم واني غريبه عليهم بس أكو فرق بيناتنه

رؤى. شنو الفرق

براء. اني اجيتهم طفله عمري 11 سنه طفله بــ معنى الكلمه حتى ماأغسل جنت العب بالشارع ولمن اجيت هنا نحبست المهم الفرق بيني وبينج كبرت اني بيناتهم وهمه ربوني صح اكو هوايه صعوبات وأمور بس الولد مــ مجان بيني وبينهم أي خلاف من اني وصغيره ولحد هاليوم أول خلاف صار بيني وبين لؤي هوه قبل كم يوم بالفندق ابد مصاير هالشي

رؤى. يعني تريدين توصليلي انو اني اجيت وخلقت بينكم مشاكل؟

براء. لا مو هيجي بس وضحتلج وبصراحه اني ماأوضح شي ابد بس انتي بعدج متعرفيني زين فــ خايفه مني ومن علاقتي بــ لؤي اطمأني اني ولؤي اخوان وبس ومنير كذلك بالنسبة الي وبالنسبه الهم فــ اللي اريد اكوله طلعي الغيره وهذا الموضوع من راسج لان يتعبج اكثر مــ راح يتعبنه شوفيني ويه الولد كأنما دتشوفين شهد وهدى وياهم تمام هيجي؟

رؤى. سحبت نفس قوي   الله كريم ممكن سؤال ثاني ولو دوختج

براء. لا عادي انتي دتتعرفين مــ بيها شي