ظلم بلا ذنب

البارت التاسع

#ظلم_بلا_ذنب
#البارت_التاسع
#الكاتبة_سرى_🤍
موروحي بيه تعيش كمت انه اشك بيك
ومرات احاچي الروح حسبالي احاچيك

فركاكم سهم مضرب بالكلب نابت
راسلني يا المحبوب ولا تضل ساكت💔

براء... صاحني الوحش حسيت نفسي نحكم عليه بالأعدام جسمي كله خرط من الخوف حسيت نفسي حموت على ايده اليوم ينهيني خلص لان مناوي على خير صعدت للغرفه بالكوات رجليه شالوني بس بنفس الوقت اخاف اذا موصلتله بسرعه اتحاسب    ياربي شلون شسوي ياربي فدوه ساعدني هنا محد اليه بس انت بدموع،  ركضت حتى اوصل بسرعه وما أتأخر عليي وصلت للممرات هوه واكف باب الغرفه منتضرني وشافني اركض دخل قبلي بقيت امشي على كيف يارب ساعدني يارب ساعدني بس وصلت الباب الغرفه اريد ادخل نجريت حيل جرني وشمرني وقفل الباب صرخت ويه ما لزمني وشمرني بس بقيت مصدومه شديسوي هذا بلعت ريقي ورجعت ليوره بخوف واني كاعده

يوسف. ها ام عيون شخبارج هههههه بأستهزاء

. مجاوبت بس نزلت راسي لان ميحب اخلي عيوني بعيونه واصلاً اني مااحب اباوع على شكله اخاف من عنده هوه حلو بس من شكد متأذيت منه اخاف بشكل مو طبيعي

يوسف. رافع تك حاجب ويحجي. ها السانج نبلع؟     باعي لا عبالج افوتلج السانج الطويل وافوتلج الشكاوي مالتج يم منير لا عبالج اني غشيم اني كلشي اعرف راح اسألج كم سؤال وجاوبيني عليهم وهنا راح يتحدد شنو راح يصير بيج

براء. هزيت راسي بـــ اي

يوسف. اولاً لمن كتلج براء من نكول شي تكولين صار وتسكتين بلا كلام زايد سويتي هالشي

. هزيت راسي بـــ اي يعني سويت الي راده بس اكول صار مااحجي شي

يوسف. ثانياً كتلج لا تجادلين وجادلتيني  ثالثاً كتلج بلا بجي ودتبجين

. والله..

يوسف. اشششش دااحجي متقاطعيني بخزره     انتي يالفصليه يكولون انو غلطة الشاطر بألف وانتي شاطره هسه اللي اريده منج تختارين بيمن تردين تتعذبين كيبل لو واير لو شبيهج الحذاء لو بالخشبه لو بوكسات لو حرك اختاري

براء. لا لا فدوه والله بعد مراح اسويهم اني اسفه ابوس رجلك وايدك تعوفني والله تعبانه حباب الله يخليك رأسن جاب الكيبل وبقه يدك عليه بلا رحمه بقيت اصرخ من اعماق قلبي اريد بس احد يجي ويساعدني ويخلصني منه بقيت اصرخ الحكولي ولج ماما بابا خاله عمو بس اريد احد يساعدني

يوسف. بصياح لج عار لج والله شسوي بيج ميشفي غليلي لج وروحها الندى اطلع روحج بيدي لج والله اطلع روحج بيدي

. نسحنت روحي سحن بقيت مااكدر احجي كلماتي صارت متقاطعه احس روحي دتطلع من شدة الوجع بس اصرخ بكلمات متقاطعه    بــروح نـدى عووفني راح امــــوت  بهالأثناء ندكت الباب بقوه رأسن ترك الكيبل من يده ونزل بمستوايه بقه يضرب بيه بوكسات بوجهي بجسمي خشمي بقه يجري دم  والباب تفلش تفلش وميقبل يفتحه