ظلم بلا ذنب

البارت الخامس

#ظلم_بلا_ذنب
#الجزء_الثاني
#البارت_الخامس
#الكاتبه_سرى_ 🤍

احس متغير اني ومـــــــالي خلك الناس وأحس تعبان كَلبي من الوكت مــــــقهور مثل غيمة حزن تمـــــطر علي كبـــــريت وانه بنار عايش والدمـــــوع تــفــــــــــــور كل يوم الامس مثل الفلــــــم ينعــــــــاد وباجر والامس والجاي نفـــــــس الطــــور ناعور الوكت يســـــــگيني جان اشـــعار وافتر الوكت وانه الــــــصرت ناعـــــــــــــور جنت اضحك واسولـــــــــف ويا هذا وذاك على غفلة ولگيت الناس كلها جــــــــور طرت بجـــــــــناح واحد للفرح فد يـــــــوم شو حتـــــــى الفرح ردني بجنح مكسور ضيعت البـــــــــخت وانه الجنت محـــظوظ حتى ويا العــــــشك ما عشت لحضة بنور يا كَلبي شكثر عذبــــــــــــتك انت ويــــــاي احس كَلبي على كَلبي من الحزن مفطور

براء. ماشي
عفته وطلعت من الغرفه ورحت نمت بالصاله طلع ورايه بس شفته ركضت فتحت الباب وطلعت اركض كعدت بالأستقبال وخايفه يلحكني والله أصرخ والم العالم علي
بس الحمدلله مأجه ورايه مااعرف شلون نمت فزيت على صوت بالأستقبال لان اني نومي كُلش خفيف

سعاد. ها براء اشو نايمه هنا

براء. رأسن نزلن دموعي خاله البارحه يوسف اجه **** وخفت من عنده واجيت هنا

سعاد. اويلي عليك يوسف وهسه هوه نايم

براء. مااعرف عفته ونزلت

سعاد. بيش الساعه اجه

براء. 2ونص

سعاد. كلهم جانو طالعين

براء. مااعرف والله

سعاد. اي يمكن كلهم مااعتقد بس يوسف لان بالوحده ونص صعدت ملكيت لا لؤي ولا منير

براء. يجوز مااعرف

سعاد. روحي هسه اصعدي شوفي

براء. بيش الساعه

سعاد. بــ 7

براء. لا خاله فدوه خليني هنا نايمه مااريد أصعد

سعاد. ولج هسه هوه تلكي ميدري بــ نفسه اصعدي بــ مكانج احسن

براء. اوك
صعدت خايفه كُلش دخلت للغرفه على كييف لكيته منتحر مو بس نايم ضحكت على منضره وبس خليت راسي عــ المخده نمت فزيت على حركه

فتحت عيني لكيت يوسف كاعد يكلب بالتليفون باوعت للساعه تسعه ونص عزه تأخرت كمت عالسريع غسلت ورتبت شعري ونفسي ونزلت اركض لا هوه حجه ويايه ولا اني حجيت ويا نزلت لكيت خاله أم جواد وخاله سعاد كاعدات يحضرن الغداء

. صباح الخير

الجميع. صباح النور

براء. اسفه تأخرت اخذتني نومه