ظلم بلا ذنب

البارت الثالث عشر

#ظلم_بلا_ذنب
#البارت_ثلاثة‌_عشر
#الكاتبه_سرى_🤍

حنانكِ أمي شفاءُ جروحي
وبلسمُ عمري وظلّيِ الظليلُ
لَعَمرٌكِ أميَ أنتِ الدّليلُ
إلى حضنِ أمي دوماً أحنُّ
لَعَمرٌكِ أمّيَ أنتِ الدّليلُ
وأرنو إليك إذا حلّ خطبٌِ
وأضنى الكواهِلَ حملٌ قيلُ لأمي أحنُّ
ومن مثلُ أمي
رضاها عليّا نسيمٌ عليلُ

فاطمه. بهمس ، يا عزه

هدى. عزه العزاج ليش ولج

سلوى. بهمس ، صوطج لا يسمعون شبيج ولج اشوف عزرائيل كبالي ومااشوفها يا اختي خلي تولي كافي صارلها اشهر عدكم مو ضروري تبقه خلي عمو يشمرها وتولي للزبل اللي جانت بيها

فاطمه. بقت دك على خدودها وهمست الله ياخذج إن شاءلله

سلوى. عابتلجن وانتي لا تأوڤرين ست فاطمه

هدى.. بقيت صافنه شأسوي ياربي احجي لا بس اني وعدتها لا بس لازم احجي ياربي شسوي ساعدني زين اذا اكوم هسه اكيد مراح تخليني بصراحه بقيت اخاف منها لأن هيه عندها سوابق سويت نفسي بطني تلويني

. اااخ بطني بطني

فاطمه. شبيج يمعوده

هدى. بطني كلش اذتني

أم جواد. اخاف مستبرده حبيبتي

هدى. مااعرف اخ بطني

فاطمه. دكومي كومي ترحين الحمام

هدى. اي اي اريد الحمام فدوه هذا كله وسلوى ولا يمها الموضوع فرحانه وتتمضحك وكفت دااروح

فاطمه. حبيبتي أجي وياج

هدى. لا لا ميحتاج قابل مسويه عمليه ركضت وخاله أم جواد وفاطمه يصيحن

. هذا الحمام يمعوده

سلوى. عوفنها عوفنها تتدلع بنت القاظي هههههه

فاطمه. سلوى شبيج اشو محد جاي بعينج والله اله اروح كلشي احجي البابا اصبري

سلوى. والله اموتج

هدى.. رحت كبل للأستقبال دكيت الباب حيل ودخلت سولفت البابا كلشي كالته سلوى منصدموا لان جانو يعرفون بالموضوع وبابا كال

نبيل. عوفوني افكر شويه وانتي هدى كلشي لا تحجين وياها بعد

هدى. تمام بابا بصراحه فرحت البراء لان خطيه متستاهل توكع بهيجي شغله الحمدلله وبنفس الوكت شكد ضجت من سلوى كلت خلي اكُل الماما دخلت عليها كاعده تسوي كمادات الشهد سولفتلها تخبلت بس هيه جانت شاكه بيها

سعاد. كعدي يم اختج خلي اروح اشوف ابوج

هدى. تمام ماما بس فاطمه مــ الها اي دخل خطيه نصدمت حتى اكثر مني

سعاد.اويلي بس اريد اعرف ليش هيجي سوت بنفسها هالــ سلوى شنكول الأهلها راحت ماما وأني بقيت يم شهد