ظلم بلا ذنب

البارت الثاني والعشرون

#ظلم_بلا_ذنب
#البارت_الثاني_والعشرون
#الكاتبه_سرى_ 🤍

حزن ابتعد عنّي ودع جرحي يزل همّي وإنّي بك يا حزني غير العذاب لا أجني أيا حزن مالك منّي؟ ألا ترى الذي بي يكفيني تعبت من كثرة التمنّي، ولست أنت بحائلٍ عنّي أيا حزن لا تسئ ظنّي، فأنت في غنىً عنّي فلي من الآلام ما يبكي، ولي من الجروح ما يدمي ألا يا حزن أتعتقد أنّني منك اكتفيت ألم يحن الأوان بعد، ألم يحن زوالك يا حزني؟

وقفلت الباب حتى لا يدخلن خاله أم جواد وهدى زوركتني تزورك بحيث حتى طاقه بقت مــ عندي ادافع على نفسي جابت الملح وجرت شعري نومتي بالكاع وكعدت فوكايه واني اصرخ غمضت وخليت ايدين على وجهي احمي نفسي

جرت ايديه خلتها جوه رجليها وفتحت عيني بأديها ودارت الملح بدون أي رحمه والعين الثانيه كذلك فرغت قوطية الملح كلها على عيوني وشمرت على راسي القوطيه وطلعت دخلن هدى وخاله ام جواد يصرخن

أم جواد. عزه عزه عزه العزاني

هدى. ولج ليش هيجي شهد لييييش

.. هنا اني روحي مفرفحه من الوجع وكلشي مااشوف بعيوني بس اصرخ عالوجع

براء. خاله هدى فدوه ساعدني عيوني راح  امووت

أم جواد. وهيه تبجي كومي يمه كومي غسلي

براء. كلشي مااشوف ااااخ خاله عيوووني

أم جواد. سوده عليه يمه اسم الله عليج ماكو شي إن شاء الله بس غسلي كلشي مــ بيج

.. عيوني عباره عن ملح اغسل بيها وأصيح من الوجع كلش متأذيه وبس اسمع صريخ هدى وشهد

هدى... ابويه مثل متعرفون بالمستشفى رجعنه من المستشفى اجت براء خطيه تواسيني هيه يوميه بس تتغده وتروح تقره عدها امتحانات والثالث صعب وحتى اني نفسها بس براء الها واهس بالداسه ما شاءلله مو طبيعي من ترجع من الدوام لحد ما تنام هيه تدرس

تغدينه متأخرين وصعدت تدرس اما اني ماألي واهس الأي شي شويه وأجتي شهد تبجي على بابا تقريباً ب4 اجتي بجينه وسولفتلها على بابا وشنو اللي صار شويه وكالت

شهد. وهايه وينها اللقيطه

هدى. فوك تدرس

شهد. اوي خطيه الله ياخذها اقصد يساعدها

هدى. شهد كافي عفيه

شهد. ماشي

.. براء تأخرت صارت الساعه سبعه يلا نزلت اول منزلت تلكتها شهد وبراء من نوع ابد ابد مترادد ولا تدافع على نفسها وحتى مره سألتها كالت اني احس نفسي ماالي اي حق اراددكم او ارفض اي شي تسوو بيه لان ما عندي احد يدافعلي او يسندني فــ اسكت احسن راحت للمطبخ اجتي شهد كعدت يمي

هدى. شهد الله يخليج عوفيها للبنيه الي بيها مكفيها وخطيه لا تكليلها لقيطه شايفه شلون تبجي على اهلها تكسر الخاطر