ظلم بلا ذنب

البارت التاسع عشر

#ظلم_بلا_ذنب
#البارت_التاسع_عشر
#الكاتبه_سرى_ 🤍

ماذا فَعَلّتَ ليَحدُثُ كُل هذا ألوَجع
لماذا انا مُضطَهدةٌ كَما أني سوفَ أنفجر مِن ظلم الحَياة الى أينَ أذهب هَل هذا ذَنبي هَل أذنبت بِشيءٍ ما ليَحدُثُ كُل هذا

براء... طلعنه من المستشفى طول الطريق يحاولون يحجون ويايه بس اني ابد مـ الي خلك لا احجي ولا حتى اتحرك احس نفسي جثه وكل جسمي مكسر بيني وبين نفسي اكول لو يرجع بيه الوقت مااخابر اهلي ولا احجي وياهم ومن عمو يكلي  تعالي خابري اهلج مااقبل دموعي تنزل بدون توقف احس روحي تريد تطلع واتمنى تطلع واخلص من هالعذاب اللي عايشه بي منين اتلكاها من يوسف من عيالي اللي يوم ويايه ويوم عليه من شهد من اهلي من الفراق من طفولتي اللي خسرتها من شنو المفروض اني هسه مدلله حالي حال اي بنيه وأبوها يكللها ماازوجج الأي واحد وغايبج هالكد وحاضرج هالكد بس وين اني وحتى منا ورايح اي شي يسوو بيه يوسف واهله حيل ويايه لان اني بلا سند بلا اهل بــ شنو ازامط وشــ انتضر من حياتي بس المووت إن شاءالله اموت واخلص ربي اخذني تعبت بعد ما عندي طاقه محد رحمني انت ارحمني
وصلنه للبيت هدى تحجي ويايه عمو والولد وخاله سعاد وخاله أم جواد كلتلهم بس اريد انام مااريد اي شي صعدت فوك

هدى. وين تنامين عالجربايه

براء. لا بمكاني اخاف يوسف يجي يريد ينام

هدى. تمام   فرشتلي وكالت محتاجه شي بعد

براء. هزيت راسي بــ لا

هدى. رايحه اني شويه واجي اشوفج اخاف تحتاجين شي

براء. هزيت راسي بـ أي وبقيت ابجي بجيت لحد مــ مليت كلام بابا وماما يرن بأذاني وكل شويه انتضر عمو يكلي ابوج اتصل يريدج مااعرف شلون نمت

هدى... خطيه شهد الليل كله تتوجع وبس تكول نفس الوجع مديقوه وخاله أم جواد كُل شويه تجيبلها شي تشربه يسهل الولاده صار الصبح واني كُل ما اتذكر براء ابجي على حالها اجوي تقريباً الساعه 11 ماما كلتلي اخذيها خلي تنام ترتاح نسألها وبالكوات تحجي صعدت وياها فرشتلها ونزلت ساعه تقريباً وبابا كلي روحي شوفيها لا تسوي شي بنفسها لكيتها نايمه نزلت كلتلهم نايمه صار وقت الغداء تغدينه وخاله أم جواد سوت الــ براء شوربه حتى من تكعد تاكُلها صعدت اشوفها لكيتها نايمه رجعت نزلت ويوسف صعد وكُل واحد راح الغرفته واني رحت نمت لان كلش نعسانه الليل كله كاعدين شهد بجها وبالنه يمها براء بجها فــ محد نام

براء... فتحت عيني لكيت يوسف كاعد عالجربايه (سرير)

يوسف. ها براء شلون صرتي

براء. الحمدلله

يوسف. هسه اجي

. راح شويه ورجع هوه وخاله أم جواد

أم جواد. صح النوم يا حلوو

براء. هلا بيج خاله

أم جواد. يلا يمه كومي غسلي وتعالي بين متبرد الشوربه شلون شوربه سويتلج تلوك الهالحلك