ظلم بلا ذنب

البارت الثالث

#ظلم_بلا_ذنب
#البارت_الثالث
#الكاتبة_سرى_🤍

ابتعب وجهي حزن فركاك . ينشاف
تضعضع والعگل بجفاك .. ينشاف
دهن شره اعله ويه الگاع . ينشف ؟
اذا ينشف تكف دموع اليه

هنا اني نهاريت دموعي نطلقت واريد اروح للبيت ماكو رجلي مااكدر اوكف عليها كل الجوارين طلعو من ضمنهم بيت عمي حتى يشوفون شكو وشنو هالهوسه بس المشكله بس نسوان لا بابا ولا عمي جانو موجودين

بقيت بصعوبه اجر النفس وابجي ابجي كامو الناس يتسائلون شديصير ركضت عالبيت وهمه يرمون بس شافوني توقفو رمي

بقيت ادك بالباب بهستيريه بس امي فتحت الباب وكعت من طولي وبعدها ماادري شنو الصار فتحت عيني

لكيت امي وعمتي وبنات عمي ونسوان الجوارين كلهم فوك راسي امي تبجي ومرت عمي مديحه تهدي بيها بس شافوني كعدت بقو الكل يسألوني شبيج وشنو الي صار مااكدر احجي اي شي

ساهره. ماما براء شبيج حبيبتي ليش وكعتي من طولج

براء.. بس دموعي تجري

مديحه. يلا عمه حبيبتي لا تبجين انتي سباعيه كافي لا تبجين رتاحي وبعدين سولفي عوفوها خلي ترتاح شويه خطيه خترعت

براء... اجه بابا وعمامي وبعدين اجه جدي وخوالي حتى يفتهمون الموضوع وحجيتلهم كلشي شفته واني ابجي
الي فتهمته انو هذيج العشيره اهل البنيه الماتت دكونه بعدها وره هذا الي صار بعد مداومت بالمدرسه
وبعد ايام بسيطه صارت الكعده بين العشيرتين وجان يوم جمعه ويردون الفصليه تتسلم يوم الخميس العصر يا اما تصير دم كاتل ومكتول بين العشيرتين وعشيرتنه فضلو ينطوني ولا شبابنه يموتون بسبب الفصل والثار
وفعلا بس بابا مقبل ينطيني الخميس وكللهم اسبوعين بين ما نشبع منها ونجهزها بالبدايه رفضو فكرو حننهزم بس بعد الحلفان وكلشي وافقو بس بشرط يردون ع الاتصالاتهم هنا اهلي صدك نكسرو بابا ماما اخويه محمد اختي اجتي من السفر..
بدت ماما تجهزني مثل اي عروس ملابس طلعه ملابس بيت ملابس نوم ملابس داخليه ومكياج وشامبوات وكلشي كلشي تحتاجه لبنيه جهزتني من كلشي يوميه تاخذني للسوك وكالت مااخليها تطلع من بيتي اله اذا اسويلها حنه وتشوف الكل بيها
وبهالايام فرتني على خالاتي خوالي اعمامي عماتي اجدادي هم تنسيني اللي ديصير وهم اودعهم
اجه يوم الحنه الي هوه قبل لا ياخذوني بيوم الضهر حتى متغديت من التفكير والخوف وحتى نوم منايمه لبسوني فستان لان البدلات ميصيرن عليه كلش صغيره وناعمه وحتى مجنت اغسل الشهريه مجنت اعرفها جان هذا اليوم بالنسبه النه عزه شويه شغلو اغاني
وركصن البنات وبعدين صار عزه الكل تبجي كلها تبجي واني من ضمنهم
خلص يوم الحنه واجه الليل اجو ابويه وعمامي واخواني واخذو ويايه صور وراحو بدلت وغسلت وجهي وهذا كله واني مماكله اي شي اجت ماما وانطتني لفه كلتلي