ظلم بلا ذنب

البارت السادس عشر

#ظلم_بلا_ذنب
#البارت‌‌_السادس‌_عشر
#الكاتبه_سرى_ 🤍

لكِ وحدكِ يا أمي
أُريدُ أن أقول ﴿ الحياة بدونكِ مؤلمه ﴾

وَكَم أتَمنىٰ أن أستيقظُ ياأمي وأجدُ أن رحيلكِ كانَ مُجرد كابوسٌ مؤلم وأنتهىٰ
لَقَد أشتَقتُ اليكِ ياأمي

.. نزلنا جوه الكل نايمين يوسف دق الباب على خاله

سعاد. طلعت لخاله ها يمه شكو

يوسف. يوم اني شكم مره كايل ما تدخلون بيني وبين براء

سعاد. اي ماما ما مدخلين احنا بشي ليش شكو

يوسف. مو انت اللي كايله البراء تتكشخ وتسوي شعرها وصايره برسيسه براسي

سعاد. اي ماما اني كلتلها

يوسف. شمر ايدي حيل ماما زين شنو غايتج ممكن اعرف؟

سعاد. ماعندي غايه ياحبيبي غير عدنه مناسبه وكاعدين نتحضر كُلنه وهيه هم حالها حال البنات حبيت شويه تغير شكل ليش بيها شي

يوسف. بخزره يمه لا تعلميني بيج وهالمره راح افوتها سلامات بس المره الثانيه اخليها تطلع جنازه من بيتج وبكيفج بعد اذا تخافين الله بيها صدُك اتركيني بحالي

سعاد. صار هاهيه هسه انت على هايه كالب الدنيا عبالي مدري شكو

يوسف. لااااا واني اول ما ادخل للبيت الكه مغثه كبالي شتتصورين ترى بلعتها بالحفله حتى مااخرب فرحتكم

سعاد. ماما الخاطري على كيفك لا تضوج وهيه مالها ذنب اصلاً مجانت تعرف شكو

يوسف. هالمره حــ تركها بس المره الثانيه مو خوش تصير وانتي اصعدي فوك بسرعه

براء.. رحت بس بقيت عالدرج حتى اسمع شراح يحجون نصو صوتهم حتى لا اسمع شي

سعاد. لعد اذا صارت مناسبه نعوفها بــ ملابس الشغل علمود حضرتك

يوسف. يوم انتي قاصده هذا الشي لا تعلميني بيج رجاء

سعاد. بأبتسامه خفيفه أولاً البنيه بعدها صغيره استوها بقت تشوف باب الله مثل ما نكول فـ ما افكر بالبنيه مثل ما انت مفكر بس هذا يجوز الشي ببالك مو بالي فلا تخليها براسي احسنلك انت يجوز مخلي البنيه براسك فــ اني راح اكُلك عوفها مو هسه خطيه بعدها صغيره تتاذى تصبح على خير

.. اني هنا شردت كلت اكيد راح تجي الغرفتها وغرفتها قريبه على الدرج ركضت عالسريع فحطت ما اعرف شراح يصير من يجي بس خاله ما اعرف شويه عجبتني بكلامها بس خفت بنفس الوقت لان اخاف صدُك هو براسي شنو يعني ما اعرف هل كلام خاله صح لو لا دخلت للحمام اسبح حتى من يجي ما يشوفني وما اشوفه لان ما احب اتقابل وياه اخاف من عنده وكلام خاله كلش خوفني طلعت من الحمام لكيته كاعد على الجرباية (سرير) ويباوعلي رأسن اخذت المشط مالتي وركضت الغرفة هدى دكيت الباب فتحت هدى