ظلم بلا ذنب

البارت السابع والعشرون

#ظلم_بلا_ذنب
#البارت_السابع_والعشرون
#الكاتبه_سرى_🤍

ياليل وين الحبايب
شفت العجايب
من طول الغياب
محتار شلون اوصللهم
حاضن صورهم مو بس الثياب
عايش على ذكراهم
ما ينحمل فركاهم
حنيت حتى الزعلهم
الروحي عدهم
ما دكو الباب
يا شوگ

يوسف... مرت سنه ونص على وفاة والدي بهالسنه ونص حسيت براء رايدتني مااعرف مـ متأكد احساس بس اني ابد متقربت منها ولا حتى بالكلام على كد السؤال جواب لأن اصلاً اني صارت على عاتقي عائله كامله أم أخوات اخوان بيت جبير مسؤل منهم بعد عين والدي الله يرحمه وبراء همات زواده فــ مدااحس انو وقتها يصير بيني وبينها شي لا من قريب ولا من بعيد اصلاً كلبي مات بعد ما فقدت ابويه الله يرحمه حياتي عباره عن شغل+ جم+اكل ونوم
وامي همات بعد وفاة والدي كلش تعبت امراض مزمنه وتعرفون بعد مااريد اخسرها بعد ما خسرت بابا سنه ونص اركض بيها علاجات ودكاتره علمود تستقر حالتها والحد الأن يلا شويه كدرنه نتنفس وصحتها استقرت

اليوم اجيت من الشغل كالعاده تغديت وصعدت داانام مغمض عيني حتى انام دخلت براء عادي متعود عليها مفتحت عيني تدخل تلزم كتبها وتبقه تقره لحد مـ تنام تفصل عن العالم كُله اليوم اجتي بأتجاهي اعرفها على صوت حركتها فــ سويت نفسي نايم حتى اعرف شنو حــ تسوي ويارييت مسمعت بس المهم انو تأكدت من الشك اللي بالي انو هيه تحبني ههههه كملت كلامها ورزلت نفسها وبعدين رجعت دردم عليه وبالأخير غمتني وراحت بوقتها لو كايملها بس الله يخلصها مني بس مراح اضمها الها بسيطه براء كلت خلي احجي وياها اشوفها شنو تكول

براء... عفت يوسف ورحت كعدت عالطاوله ادرس حسيت عليي يحوس بس مالتفتت وسويت نفسي ممهتمه شويه وسمعت صوته

يوسف. برااااء

براء. بلعت ريق وكلبي وكف وبقيت امتمت بيني وبين نفسي عزه العزاج براء الله ياخذج يعني هسه اذا سامعج شلون راح تخيطين الشگ اللي شگيتي الله ياخذج إن شاءالله ياربي فدوه ساعدني انت اليه شلون بيه ياربي شـ راح اجاوبه اسكتي خ*** اسكتي لا تجاوبين شــ تجاوبين على صخام وجهج

يوسف. براء مو دااحجي وياج

براء. ءءءء ها

يوسف. ءءء ها شبيج ارتبكتي صاير شي؟!

براء. بيني وبين نفسي عزه العزاج حتى لو مسمعج شككتي بيج ما شافوهم وهمه يبوكون شافوهم وهمه يتحاسبون ياربي شنو هالغباء

ءء لا لا مبيه شي بس خايفه باجر عندي امتحان

يوسف. عدل كعدته هااا كلتيلي عندج امتحان بالله خلي عينج بعيني

براء. ههههه شنو ءءاول مره تشوفني خايفه

يوسف. لا يابه لا انتي خلصتي حياتج خايفه اصلاً