ظلم بلا ذنب

البارت العاشر

مرحبا 🌷 اني جداً اسفه بسبب تأخيري بتنزيل القصة إن شاءالله راح ينزل البارت وأعوضكم بي🤍

ترقبوووا 🤍
أحداث قوية جداً وراح تعجبكم 👌🌷بي حزن وفرح وبي الخوف والقلق لا تفوتو تحياتي الكم 🤍⭐️⭐️⭐️

#ظلم_بلا_ذنب
#البارت_العاشر
#الكاتبة_سرى_🤍
امي من الصغر سمتني مبخوت,,,,,
جاوينة البخت يايمة عفتوني....

كسر باب الكلب صدكني فركاك
تعال ابساع لا يدخل حرامي

⚠️ضروري تقرون بعد نهاية القصه تحياتي

هدى... كعدت الصبح غسلت ونزلت حتى اتريك بس بالعاده لمن انزل الكه براء كدامي متريكه ودتنضف اله اليوم تفاجأت ما هيَ

. صباح الخير

سعاد. صباح النور

. ماما

سعاد. ها ماما

. براء وين ماكو

سعاد. والله يمه اليوم الصبح يوسف ندهني كلي يمه براء تبجي وهيه نايمه والفراش وملابسها كله دم رحت دااشوفها لكيتها تسولف ويه امها وتشكيلها وتبجي

. عزه وشلون وصلت اللامها يعني خابرتها؟

سعاد. ههههه لا ولج تحلم جانت وتبجي بس خطيه كسرت خاطي يمه تكطع الكلب بحيث كابلته وبقيت ابجي ولو شايفتها من فزت وشافتنه أدور على امها

. زين ويوسف شنو جان موقفه

سعاد. شتدرين بگلب اخوج قبل لا يطلع وصاني ادير بالي عليها كلي يمه خطيه عوفيها اليوم ترتاح لحد يضغط عليها

. ههههه شعجب

سعاد. بعد تعرفين يوسف بس ماادري منين اجته القسوه عليها خلي يمعوده خلي يرجعلي يوسف اللي اعرفه ابو گلب الطيب

. زين شنو هذا الدم لعد؟

سعاد. ولج يا ماما مو تدرين بيها بلغت فــ بعدها متعرف وممنتبها النفسها هسه اللي اريده منج من تكعد من النوم تكعدين وياها وتعلمينها انتن شابات تقريباً نفس العمر وتفهمن على بعض كعديها وفهميها شنو لازم تسوي وبالنسبه اليوسف عوفيها عليه

. تمام ماما دللي وهسه هيه نايمه

سعاد. اي يمه نايمه خليها خطيه خليها مرتاحه جسمها كُله يأذيها

. ماشي بس اني تعودت عليها البيت فارغ بلاها

سعاد. هاي شنو اشوف البيت فارغ

. ماما اني احبها وما عندي شي وياها بصراحه بس شهد تشمر عليها بالكلام صدك شهد وين اشو ملكيتها بمكانها

سعاد. شهد الليل كله ساكنه الحمام تذب من راسها تعرفين تتوحم تكوم وتوكع سوده عليه وبس تبجي تكول معدتي حموت