ظلم بلا ذنب

البارت الحادي عشر

#ظلم_بلا_ذنب
#البارت_الحادي_عشر
#الكاتبة_سرى_🤍

لماذ غبتِ عن ناظري
لماذا ابعدنا الزمان
لماذا لا اقدر ان اضمكي على صدري
أمي انا بحاجة لكِ
اشتاق إليكِ أحن اليكِ
متى اراكِ متى اظمكِ متى تشفي روحي من ألم فراقك أحبكِ أمي

نبيل. أحجي بابا شنو هذا الموضوع

منير. لك صاير مواضيع وكذا شكو يا ستار منك

لؤي. دااحس اكو مصيبه  رافع حاجبه بعدم رضا

سعاد. شكو يا ستار مصيبتيش يمه يوسف أحجي شكو شصاير

يوسف. لا يوم ماكو شي والله هنه موضوعين الموضوع الأول يخص براء والموضوع الثاني يخصني...

نبيل. كمل بابا

يوسف. أول شي بالنسبة الــ براء وشغلة الكارت يمه اكيد سمعتي بالموضوع

سعاد. سمعت يمه ولا تكبرون الموضوع ميسوه والبنيه مو قصدها والله

يوسف. شوفي يوم باوعي شلون بقيتي أدافعيلها وتكبرين راسها عليه اني البارحه طلبت منها متحجي اي شي يصير بيناتنه بس هيه شسوت راحت وحجتلج اللي صار ببساطه ولا كأنما حاجي وياها وكايل متحجي اي شي يصير بالبيت

سعاد. يمه هوه شصاير ماكو شي قوي صاير حتى متحجي اشياء عاديه

يوسف. يوم اني شكلت كلت متحجي أييي شي أي شي فــ لو فعلاً تخاف وتحترم على الأقل متحجي لأن اني محذرها المفروض متحجي اي شي حته الگحه متحجيها صح لو مو صح لا تدافعيلها

سعاد. اي يمه صح

يوسف. براء تعبتني وأي تصرف اتصرفه وياها تبقون خطيه يمه وخطيه بابا وعوفها ولا تموت ولا طك بيها عرك الى متى وياريت لو زواج عن رضاتي اني لا غصب فصليه تنحط براسك وانت الممنون وشنو ما تسوي المفروض هم اتحمل وأني الممنون

نبيل. يوسف بابا ميستوجب هالعصبيه واني سبق وكتلك انت تصرف وياها بس بما يرضي الله

يوسف. بابا شنو احجي وياها محد يرضي عليه

منير. اذا قصدك لان اني داأحاجيك فــ اني بعد ماادخل

لؤي. ولا اني

نبيل. ممنوع بعد احد يدخل بين يوسف وبراء

الكل. تمام

نبيل. وانت هم على كيفك يابه شدعواك على كيفك شويه

يوسف. بابا اني تعبت كلما احاسبها تحاسب وليش وحرام وخطيه وطفله البارحه وصلت مرحله تصيح بوجهي بسبب الدفاعات الي داير مدايرها وبعد اللي يدخل بيني وبينها ماابقه بالبيت اخذها واطلع لان هيه صارت براسي بعد غصباً عليه

نبيل. يوسف لا تخليني احجي حجي زايد كافي عاد

.. الكل سكت صارت سنننطه دقايق