اعين لا تمطر 🫀

الاجزء التاني

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 2:

بعد مدة قصيرة وصلات للدارو كدق كدق ملقاتهاش تا جا عندها واحد الولد عشير أسامة

زَيد:ختي ليلى را أسامة تشد و مي حبيبة مشات تشوفو

ليلى:دغيا وصلاتها

زيد:شنو!

ليلى:والو أخويا صافي تا نرجع عندها

ودارت غادا لدارهم كلشي داز ليها على غفلة والطريقة كيفاش ودعها قلبها تقبط عليها خاافت عليه بزاااف والدموع محجريين بحال ديما حالفين لا هبطو.. تمنات لو كان غا حلم رجعات محطمة لدارهم باغا غا تحط راسها وتنعس بقوة راسها ما كيزدح بالتفكير فأسامة وشنو غيدير..
وصلات للدار لقات الصداع وصوت خوتها واصل لباب الدار دخلات طالعة لبيتها محسات تا رجعات مجرورة من شعرها وتلاحت حدا رجلين باها

ليلى كتشوف فخوها لي كان جاارها كتغوت:مالك علاش جريتيني هاكا..

قبل متكمل هضرتها جاتها تصرفيقة من عند باها تا صقلات

(الأب)إسماعيل غوت:نتي باقي عندك الوجه كتغوتي(بنبرة متحجرة) نووو ضي

ناضت ليلى وهي شادا على حنكها
كتشوف فخوتها لي عينيهم بااين فيهم الكره والحقد ومها كتشوف فيها والدمووع دايزين من عينيها بحصرة

(الأخ1) سفيان:ديما كتكون معاه أباا وراه شدوه غا اليوم واحد الشمكار كلشي كيدوي عليه وعلينا

(الأخ2)أيوب:أه ألواليد ولات سيرتنا فكل لسان

(الأم)حنان:سكتو نتوما متهضروش على ختكم هاكا

إسماعيل شاف فحنان وهز حجبانو :سكتي نتي (شاف فليلى) جمعي حوايجك ورجعي عندو أنا نولد ونكبر ونضرب تمارة باش توسخي ليا وجهي(غوت بنبرة مرعدة) وتحطي ليا راسي فالأرض

حنان شدات فيه من يديه كترجاه: فاين عندها فين تمشي نعل الشيطان أسماعيل

إسمعايل:ما كاين شي شيطان قدك نتي وبنتك لا معجبكش الحال تبعيها

ليلى بقات كتشوف وصلات لواحد الحالة د لا شعوور طفاات مبقات قادة دير تا ردة فعل تلفتات لجيهة الباب تا سمعات الهضرة لي ريباااات بزاااف هدمات شحال من حاجة فبنت عشرينية بريئة

إسماعيل كيغوت كاره:نساي هاد الدار بمرة "وسمعي ما نتي بنتي ما أنا بااك"

وشد فحنان لي كانت باغا تبعها
إسماعيل:لا تبعتيها متوليش ترجعي

شافت فيهم آخر شوفة وخرجات وخبطات داك الباب ضرب فيها واحد الهوا خلاها تفيق ويسراا معاها گااع أش وقع مكانتش شي ردة فعل قوية من غير قلبها لي تخربقو دقاتو وبدا تيضرب بشكل غرييب معلن على الحرب الباردة الذاتية لي غتبدا..

بدات كتمشا زنقة تخوي ليها لزنقة أخرى "وكاين لي تيوقفها يسولها على أسامة ويدعي معاها بالصبر" تا لقات راسها قدام واحد الدار صغيرة تبسمات بطمأنينة وهي قدام دار صاحبتها تنهدات بعدما تسدو فوجها جميع البيبان رجليها جابوها عند صاحبتها لي عشرة عمر هي وياها أكيد مغترضهاش دقات زوج مرات كتسنى تا حل عليها رجل فعمر باها

(أب صاحبتها)المعطي:أهلا

ليلى:سلام عمي كاينة سلمى

المعطي:اه كاينة (كيغوت بجهد داخل الدار) سلمى سلمى!!

خرجات بنت فنفس عمر ليلى سميمرة شوية وطويلة شافت فليلى وتبسمات ليها

سلمى:سلام ليلى أش جابك فهاد الوقت

ليلى تنهدات'كاين بزاف ميتعاود

سلمى جراتها ودخلو طلعو لبيتها جلسو فالسرير وهي كتشوف فيها بفضول تا عاودات ليها كلشي ..خلاتها مصدومة

سلمى:وا ناري هادشي گاع وقع اليوم بقا فيا أسامة ونتي كتر منو إوا شغاديري دابا واش غتبقاي عند مو!

ليلى بتوتر:لا أنا الصراحة جيت عندك حيت حيييت (تنهدات بتعب)منقدرش نمشي عند مي حبيبة منقدرش راك فاهماني

سلمى دورات عينيها: دابا واش غتبقاي معايا

ليلى بحرج:اه لا قبلتي

سلمى:صافي بقاي ولكن عنداك خوتك يجيو ليا

ليلى:لا لا متخافيش

سلمى ؛ونوض نعطيك ما تفرشي باش تنعسي بعدا ويصبح ويفتح

حركات ليها راسها ومشات سلمى جبدات ليها الفراش وخلاتها فرشات ونعسو بحكم الوقت كان تعطل ..وليلى والو واش جاها النعاس غا كتقللب وتخمم فأسامة وأشنو غيكون كيديير دابا وكيف حالو واش واكل واش مغطي..!! تا داها النعاس وهي باقا كتحلم بييه

#يتبع
فريزات 🍓
بصحة فطوركم 🌙