اعين لا تمطر 🫀

الجزء التالت

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 3:

"صباح جديد"

شرقات الشمس ودخلات من داك الشرجم ضربات فوجه ليلى شي لي خلاها تحل عينيها كتجبد وقفات بثبات جمعات شعرها وطرفات الفراش هبطات التحت عارفة بات سلمى مكيكونش.. وجدات الفطور ما جات تحطو فالطبلة تا كانت سلمى هابطة جلسو كيفطرو فصمت وليلى غا كتلعب بالماكلة وساهية

سلمى: غتبقاي ساهية هاكا

ليلى شافت فيها:ومال هادشي ساهل عليا عرفتي شحال لقاو دالفانيد باينة مشا فيها صاافي (حطات يديها على راسها تنهدات تنهيدة حارة)أوووف

سلمى:وا هو أختي لي قلب عليها وراك تانتي كنتي غتمشي معاه غا حفظ الله

ليلى:كون غا مشيت معاه ولا هاد الشوهة شتي الفضيحة دالحبس والگفة خير من فضيحة يلوحوك والديك للزنقة

سلمى:لا جينا للصراحة تانتي زدتي فيه ديما خارجة داخلة نتي وأسامة واخة خوتك يكون دمهم برد من ألاسكا غضربهم النفس

ليلى:صافي عافاك أسلمى ختي متزيديش على ما بيا أنا غنوض نمشي نشوف مي حبيبة غتكون حاالتها!

سلمى حركات ليها راسها ووقفات غادا لبيتها

سلمى:ليلى على وقفتك جمعي معاك الطبلة أنا عندي الخدمة يلاه نلبس حوايجي ونتقاد

ليلى تبسمات:واخا

جمعات الطبلة وقادات الحالة وخرجات متوجهة عند أم أسامة وصلات للدرب لي شافها يقول ليها "الله يطلق سراحوا"
وهي كتحرك راسها وربي عالم بيها تا وصلات لدار أسامة دقات دغيا حلات ليها حبيبة وهي حازمة رااسها ..
حبيبة غا شافتها تلاحت عليها معنقاها كتبكي وليلى مبادلاها العناقق وكطبطب على ظهرها وتنهد والله لي عالم بلي هاديك ماشي تنهيدة هاديك بكاء قلب كتسمعو غا هي كنضن هادي أسوء صفة ممكن يعاني منها المرأ وخصوصا الأنثى هي الدموع المحصورة فالعينين..

بعدو على بعضهم جراتها حبيبة من يديها تا جلسو وبدات كتشكي عليها وتبكي

حبيبة:ولدي مسكين يوصيني علك ويعااود

ليلى:وهو واش ييخير اش غيديرو معاه

حبيبة:وا البوليس كيقولو مغيطلعش منها وهو تيقول متخافيش شطنك تانتي من حوايجك دالبارح مبدلتيهم وعينيك حمريين أبنتي

ليلى شافت فحوايجها: اه لا متخميش ليا تهلاي نتي فراسك ومدام اسامة قال متخافيش صافي متخافيش خليها على الله وخلاص الصبر أخالتي مكرهتش نشوفو والله

حبيبة:تاهو مكرهش ولكن راك عارفة ميمكنش معليك غا بالصبر

وجرتها حبيبة عندها معنقاها وكتشم فيها ريحة ولدها بقاو معانقين وتيهضرو تا بدا يظلام الحال ورجعات ليلى لدار صاحبتها

وولا هذا هو روتينها لمدة سيمانة تفيق طرف الدار وتجي عند حبيبة تونسها ومها مرة مرة تعيط ليها وهي عقلها غيخرج عليها بالبكا ولكن ليلى كطمنها ليلى الضحووكية الضريفة لا
الهادئة مشات جات بلاصتها بن هازة هم الدنيا على كتافها صراعات داخلية هم وغم ضعافت جسمانيا ولكن عكسها من الداخل عاد ما كتزيد تقوا وتقصاح

#يتبع🌹
فريزات 🍓
رمضان كريم 🌙