اعين لا تمطر 🫀

21

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء ²¹:

جمع الوقفة باني بلان فراسو حالف حلقة الرجال لا رجع فيه والمجالات حلفو الموت هي الوحيدة لي تهدم.. خرج خلى الموطور و تمشى على رجليه حتى وصل لدرب ليلى وقف من بعيد شحال البلان لي فراسو صعيب تطبيقو لكن لاازم هو الحل الوحيد لي يهنيه ويفكهم من العداب.. بقوة الظغط والتوتر وقف شحاال سما الله وأستغفر عاد تحرك يطبق..

تسرييع الأحداث...

دازت أربع أيام وهي فبيتها مكتخرج من الدار حداه تهبط مرة مرة تاكل وترجع أسامة غبر عليها غبرة وحدة كتعيط ليه مرة مرة كيجاوبها يسول فيها وعلى أحوالها ويرجع يغبر بحجة مشغول بزااف مع الخدمة ديك الباكية دالكارو دات ليها هاد الأيام بليتها لي يلاه بدات نقصات مع الهم لي نقص والظغط لي خف خوتها قلبو عليها دقة وحدة بحالا مكان والو تعجبات لهادشي ولكن فنفس الوقت مرتاحة .. اليوم مجاتش عندها مها تفيقها تعجبات ولكن مهبطاتش تسول تبقا جالسة بوحدها حسن ليها وصلات العشية وهي غا جالسة باغا تخرج تشري شي باكية دالكارو تاني ولكن ما قاداش تخرج بدات كتوعا شوية وكتفهم بمزامنة أنها باغا تخرج من هادشي لي هي فيه واخا مدمنة حديثة ولكن الهجرة على هادشي شوية صعيبة... بقات ساعة وهي كتفكر غي كيفاش توصل لشي كارو وكتحاول توقف راسها فنفس الوقت.. دقات عليها مها فالبيت وهي هازة قفطان خفيف فيديها كان بلونكاصي وشريبيل زرق مطيرز كتشوف فيها بنظرااتها المليئة بالحنان كيف ديما غير هاد المرة كان فيهم بريق فشكل أمل! حب! نعمة! و حنية!

حنان:هاكي أبنتي لبسي هادشي جاو عدنا الضياف
ليلى وقفات مفعفعة:إينا ضياف اماما
حنان بهدوء:جاو عدنا شي ناس طالبين يديك لولدهم
ليلى قلبها ضرب:كيفاش! لا مبغيتش نهبط قوليلهم مريضة لا لا منقدرش
حنان :في هبطي ديري صوابك لا معجبكش الحال مغنبزووش عليك أبنتي سربي باك والناس تيسانووك
ليلى:شكون هاد الناس بعدا!
حنان دارت لجيهت الباب:مكنعرفهمش هبطي وشوفي بعينك
ليلى شدات داكشي خبطاتو مع الناموسية معصبة هزات تيليفونها طاح ليها أسامة براسها عيطات ليه وهو يقطع عليها وسيفط ليها ميساج صدمها

#يتبع