اعين لا تمطر 🫀

19

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 19:

! كيفاش قدرو يحكروها هاكا .. من هادشي حاجة وحدة دارت ليه طن فراسو .. كيفاش هي قالت ليه غادا عند سلمى ويونس كيقول جرات عليها.. شاف فيه ونطق

أسامة:ولكن هي قالت غادا عند ديك سلمى كيفاش؟
يونس تنهد مفقوص:شوف حنا رجال تنفهمو بعضياتنا أنا ليلى تنعرفها من شحال هادي ولكن نتا قريب ليها كتر،
اسامة:ختاصر عليا مبقيتش قاد على شي صدمة أخرى يكفي لي وقع
يونس:أنا شفت ليلى عند هاداك البزناز لي ورا ضربكم معرفتش واش ليها ولكن على الأغلب ليها لقاتها طريق تنسى بيها
أسامة وسع عينو وحط يدو على راسو كيفرك شعرو بجهد غيخرج الدم من جلد راسو بالفقصة والصدمة لي جاتو وحدة ورا لاخرى مجاوبوش ولا شاف فيه ركب فالموطور تاعو وزاد منيّر لبلاصة داك البزناز وقف ومن وراه العجاج وقف لقا هذاك تما عرفو جا يسلم عليه ساعة مردش عليه السلام وبدا تيقلب بعينيه عليها مابانتش ليه كانت ضربات الدورة ورجعات لدارهم.. عاد شاف فيه مفعفع

اسامة:واحد البنت قد هاكا(تيوصف ليه فالطول) شعرها كحل وطويل
البزناز:واش هديك لي عينيها حمرين كي الجمرة؟
اسامة:كيفاش
البزناز:واحد البنت كي وصفتي عينيها مضببين بعروقة
اسامة:اش كتخور عليا(تفكر تيليفونو وجبد تصوريتها وراها ليه)
البزناز:اه هادي فيها الرعدة
اسامة حط يدو على راسو دوخو:كيفاش عينيها حمرين وفيها الرعدة ضارب شي جوان لا؟؟
البزناز:معرت أصاحبي انا داكشي لي شفتو قلتو لك
اسامة؛واش خدات شي حاجة من عندك
البزناز:اه ولات كليان تاعي علاش
اسامة:شنو كتاخد من عندك ياك غا الكارو ياك؟؟
البزناز:لا البنت باغا تجرب معارفاش تأ شنو سمية داكشي كتقول ليا غا عطيني نسى مسكينة باقا صغيرة ولايني واصلة فيها للعظم(ضحك بخفة) ولكن لا حنيتي تمحن أعشيري أنا غا كنبيع ميمكنش نقولها سيري راك صغيرة

أسامة شاف فيه وقلب عينيه دغيا ركب فالموطور وزاد غادي لعندها تأ وقف فراس الدرب ضرب حسابو فراسو الا مشا مسمكنش يدخل عليها لدارهم واخا معرت شحال يكون زاعم وطاغي ولكن السيبة لا مكينااش.. ضرب الدورة ودخل لدارو نييشان لبيتو سد عليه

#يتبع