اعين لا تمطر 🫀

18

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 18:

" شاف فيه مطول:فشي حوايج ضرورية وداكشي لي فبالك ممنو والو
أسامة:واخا هضر

بعدو من تما شوية وقفو فالقنت ديال الدرب وهو ينطق بعد تنهيدة

يونس:أنا سميتي يونس غتقول منين عرفتك ومنين عرفت ليلى وغنقول شي حوايج غتزيد تتعجب وتأكد عليا نقولك شكون أنا
أسامة؛إوا نطق شكون نتا وشنو هاد الحوايج
يونس:أول حاجة على سلامتك فخباري كنتي مشدود وخليتي وراك ليلى عرفتي اش داز عليها

أسامة صغر عينيه من طريقة هضرة يونس عرفو كيمهد ليه باش يقول شي حاجة خايبة فالأخير

أسامة:جيني من التالي

يونس دور راسو بنرفزة وهو كيتفكر أش شاف البارح هو كان قاصد أسامة يعاود ليه ضرووري وخصوصا فاش جاتو خبار بلي غيخرج خدا روبو من خدمتو وجا يعلمو ويعاود ليه باش يصون ليلى ويحميها من والديها وخوتها أو بالأحرى يوفي بالعهد ويتزوجها حيت من غيرو ما بقا لها لاين كلشي عرفها معاه واليديها جراو عليها بسبابو يعني خاصو يصلح ما بداو واخا ماطرا بينهم والو ولكن خاص يسد فام العادي والبادي!
.. شرد فاش شافها كتقدى من عند واحد البزناز وتبعها يدوي معاها ولكن شاف اسامة معاها كان باغي ينصحها زعما كان يعتقها ولكن هي أصلن غرقات!! ما بقاتش لها رجوع ولا عاد بدات معرفتش!! عارف ليلى زاعمة تقدر دير أي حاجة شافتها وعندها دااافع كبير وتعطش للتجربة شاف فيييه مطول ونطق

يونس:ليلى عاودااات ليا كلشي وشي حوايج جاوني قاصحين انا لي راجل معرفتش هي كيفاش صبرات عليهم

..عاود ليه كاع لي وقع مع ليلى من نهار تشد هو وكيفاش جراو عليها دارهم غدراتها صاحبها وتا صاحبو كيفاش لعب بيها عاود ليييه كللشي خلاه حال فمو وكارز على يديه بالعصااب شاف فيه ورجليه فيهم رعدة العصاااب معدتو تعصراات عليه كيبغيها لدرجة هو لا غوت عليها كيبقا فيه الحال ويصالحا لدرجة مكيخسرش ليها لدرجة يقتل على قبلها!! كيفاش قدرو يحكروها هاكا

#يتبع