اعين لا تمطر 🫀

13

فريزات🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 13:

قبل متخرج من الكوزينة لاحظات 50 درهم محطوطة تما حتى كانت غتجاهلها وهي توسع عينيها ملي تفكرات شنو ممكن تاخد بيها خشاتها فجيبها دغيا وطلعات لبيتها وهي كتسمع خوها من بيتو كيهضر فالتيليفون دخلات للبيت بالخف لاحت عليها جاكيط فوق البيجاما وهبطات كتسلت بالحس تأ كانت خرجات من الدار وبدات كتمشى بخطوات خفاف وكدور وراها بعد كل خمس خطوات تا لقات راسها فواحد الدرب كتعرفو كانت جات شحال من مرة هي وأسامة درب معروف بالبزنازا.. بان ليها واحد الدري لابس سيرفيط كحلة وكاسكيطة وكوبرا جالس قفازي وكينتر فواحد الجوان باين ديال الحشيش ومgمح نيييت تشهات تكون فبلاصتو وقفات حداه بحكم عارفة هو لي البزناز لي ينفعها وهو طفى داك الجوان وطلع راسو فيها مستغرب رجليها كيقفقوو ودايرة داك القب ديال الجاكيطة الكبير باش ميبانش وجهها وكل مرة تزيد تهبطو

البزنااز:أش حب الخاطر أتوت البري

ليلى كترعد:بغيت gارو والحشيش

البزناز كيطنز:وبغيتي شي بربوقا (فانيد مهلوس)

ليلى كتهبط قبها:اه عطيني شي حاجة كترفع وتنسي

البزناز ضحك:واخا شحال بغيتي

ليلى مدات ليه ديك 50 درهم مكمشة:عطيني هادي كلها

البزناز شدها من عندها وضحك تا بانت السوسة لي عندو فسنانو بسباب الكالة:التووت بان ليا باقا جديدة فهادشي! طريفة ديال الحشيش كدير 40 درهم والفانيد 60 درهم نتي عاطياني هاد 50 درهم مكمشة كاوي ليك على بومزوي أنا؟

ليلى بتوتر:عطيني لي بغيتي وسربي عافاك غا لي بغيتي

شاف فيها هو مطول عرفها جديدة ومن الترعيدة باينة تقطعات بالبيان

البزناز:جيتيني باقا مستورة فهادشي اندير معاك واحد البليزير انتشعامل معاك بحالا غندوقك ولكن ااه را كليان ديالي بقاي تجي عندي غا انا وجيبي تأ شي توتة آخرى لا كانت.. صافي الرجولة؟

ليلى حركات راسها بااه

وهو دخل لدارو مع كان جالس فالباب وخرج عندها دغيا عطاها (ال🚬ارو طريفة تاع الحشيش ونص فنيدة كيف قال هو تعامل معاها) ورد ليها الصرف واحد 5 دراهم وصاها تشري قرعة مونادا باش يدوز لها داكشي وهي غا كتحرك راسها خدات من عندو داكشي نشرات قريعة كوكا صغيرة.. ومشات كطول الخطوة باش توصل دغيا ياله غتدخل لدرببهم
#يتبع