اعين لا تمطر 🫀

20

فريزات🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 20:

مو ملي شافت حالتو هكاك خلاتو سد عليه ومدواتش عرفات الأمر متعلق بليلى ولكن معندها مدير دعات معاهم وسكتات.. أسامة فالبيت جلس حاط يديه على راسو وجباال دالهم تيحس بيهم على كتافو فكرة انا ليلى عاشت هادشي كامل من ورااه لا هادشي بسبابو! لوكان مكانش هو مكانوش غيجريو عليها والديها لو كان متشدش مكانتش غتبات فالزنقة ومكانتش غتبلى عرف ووعا بلي داك السم لي كيبييع خرج فحبيبتو شنو غيولي كيبيع ليها!! الحرام خرج فيه عارف داكشي شحال كيهلك الصحة.. فراسو كيدورو شلل بلانات وكيتفكر شحال من واحد بان على حقيقتو فهاد المحنة صاحبو! مكانوش صحاب دالصح ولكن ولاد الدرب زعما كان خاص يدير بوجهو ولكن لا! طلع شماتة صاحبت ليلى تاهي مصدقاتش! ولكن داكشي دالبنات بيناتهم هو كيبقى راجل مغيعمرش فسوقهم من هادشي كامل كتهمو ليلى كيفاش خاص يعتقها من هادشي لي لاحت راسها ليه كان عاطياها وعد بلي غتكون حلالو ودابا زااد الأمر خااص يصلح شحال من حااجة رابت وأولها نفسية ليلى كلشي جا عليه هو حيت حكايتها من الأول بدات عليه هو ..

فالبيت عند ليلى بيت أسرارها والمكان لي شاهد على كل شيء وقع ماشي من نهار تشد أسامة ولكن "ملي بدات حياتها مع هاد السم"
السم هاد الأخير لي كانت شادة بين يديها هاد المرة بحالا بدا كيرجع ليها عقلها ويمكن تداركات الموقف ولا حيت همها نقص فاش خرج أسامة
[شي نقص همو وشي تزادو] ماشي ديما تيطبق داك المثل الشعبي دلي "تقالت عليك خفافت عليا" أحيانا كيتقلب " لي خفافت عليا تقالت عليك" .. كانت شادة هاد المرة في سجارة بين يديها وحدتها باكية على الأقل ما جابت لا حشيش لا فانيد فجميع الأحوال نعتابروها حاجة مزيانة ..

#يتبع
أرائكم كبيدات 🌹