اعين لا تمطر 🫀

الجزء السابع

🍓فريزاتي توحشتكم 🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 7:

كمل هو جوانو مرفوع.. ما دازش بزاف دالوقت تا وقفو واحد الرباعة تاع الدراري كل واحد هاز گارو🚬 تاعو وكاين لي هاز قريعة صغيورة تاع الشراب جلسو حداهم وعلى الظاهر هما عشران حُسني مولف الصهير معاهم تسالمو مع حسني وجلسو لي جلس فالأرض منشوي بالسكرة ولي جلس حدا حسني تا نقز واحد فيهم وهو كيشوف فليلى

الولد1:شكون هادي الساط؟

الولد 2 بثمل:وا مليحا(ضحك)

حسني خنزر فيه:بلاما تحاول عشيرة أسامة صاحبنا هادي

الولد:واايلي وشنو كدير هنا؟

حسني:الوقت دوارة أخاي

بقاو كيهضرو وكل واحد فيهم كيعاود على اشنو وقع ليه فنهارو وهي غا كتسنط تا بداو يهضرو على الدريات كرهات الجو بكااملو وهي كتشووف 3 تاع الليل وهي فالزنقة ملقات فين تصد غتبقا مع السكايرية ميعقلوش عليها

بعدات عليهم بالشوية ودوزات الخط لبنت خالتها زوج مرات عاد جواباتها

ليلى:ألو هناء عرفتك أتكوني صهرانة

حنان قاطعاتها:أويلي اصاحبتي فينك نتي رجعي لداركووم فين بقيتي هاد اليام كلشي دا خبارك

ليلى غمضات عينيها بجهد وبدات كتهضر بزز: انا عيطت حيت بغيت ندوز عند ملقيت فين نب

حنان قاطعاتها:رجعي لداركوم اليلى معندك فين تجي عندي واش حمقة رجعي لداركوم هي لي تقبل عليك

ليلى طلع ليها الدم قطعات عليها ودارت لقات هادوك باقين مجمعين تما دغيا طاح فبالها واحد الشخص عارفة ومتأكدة أنو مغيفووتهااااش دوزات ليه الخط دغيا كتسناه يجاوبها

بصوت ناعس:ألـو أش كاين فهاد الليل

ليلى:أ يوونس لباس

يونس تقاد فجلستو وشاف فالتيليفون عاد عرف شكون وبتاسم:أهلاااا ليلى عاش من سمع صوتك

ليلى:لبااس علييك

يونس:حمدالله أش فكرك فيا فهاد الليل..!!

ليلى؛الصراحة أنا طاري ليا بلاان

يونس:أما هو

ليلى حكات على راسها وتنهدات عاودات ليه البلان كامل وطلبات منو يجي عندها بدون متأكد عليه.. طلب منها تعطيه المكاان.. عطاتو العنوان لي كان بعيد على دوك الرباعة بعدات منهم بالحس ووقفات فين دارت مع يونس ما دازش بزااف دالوقت وكان واقف حداها باللوطو
شير ليها وطلعات حداه سلمات عليه وهو حط يدو على الڤولو وتقابل معاها

يونس:هي دابا خوتك هما لي جبدو ليك الصدااع (تنهد) وباك مسولش گاع

ليلى:واش هو جرا
#يتبع
فينكم 🙄 تعاليقكم وأرائكم وجيماتكم كبيدات 😘🌹

🌪️أعـيـــن لا تــمـطـر 🌪️

#تتمة

ليلى:واش هو جرا عليا باش يسول أنا هادشي مكيهمنيش مكرهتش غا أسامة يخرج خلاص

يونس:إوا الله يطلق سراحو (تقاد فالجلسة) دابا هانتي هاد اللوطو كاريها وغنزيد نخلص يامات (ضحك) حسبيها داركم حيت راك عارفة أنا بوحدي فالدار ونخاف عليك من هضرة الناس

ليلى بإمتنان:شكرا بزاف منساش خيرك

يونس:تي لا الصغيورة مبيناتناش را عشرة الصغر متنسااش

ليلى:ليحفضك

...