اعين لا تمطر 🫀

الجزء التامن

🍓هاي فريزاتي

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 8:

🔮تـّسـريــع الأحــداث🔮

دازت 22 يوم وليلوش على نفس الحال واخا معذبة ولكن متنكرش يونس وقف معاها وقفة ديال الرجاال عطاها حنان الخوت دافع عليها كيجبد الفلوس من جيبو وكيصرف عليعا بقا كاري ديك اللوطو باش تنعس فيها ..هادي شهر وهي برا دارهم وشهر وهي بعيدا على أسامة تا من مو مبقاتش شاافتها وأمها تااهي لي توحشااتها من ديك الدار كاملة ولفات العيشة بلا مأوى ومولفاتش فرااق العزااز..
كي ديما جالسة فاللوطو وكتاكل الفطور لي جاب ليها يونس تا كتسمع الدقان فالزاج هزات راسها بان ليها يونس.. دري مصواااااب.. بعدما أذنت ليه بالدخول فتح الباب وطلع حداها ولكن باين فيه مديرونجي

ليلى:مــالك جيتيني فشكل

يونس:كي غنقولها لك، ليلى نتي عارفة راك عشيرتي وختي وكلشي ومنفوتكش ولكن را الخدمة لي كنتسناهامن شحال هادي جاتني وماشي هنا والله تا حشمان منك وبالي معاك كيفاش غنخليك غارقة فهمك

ليلى تبسماات ليه:ولكن أش كتقوول نتا درتي كتر من جهدك (بلعات ريقها) وتا انا خممت بزاف وقررت نرجع للدار شحال قدني نبقا مشومرة

يونس فرح:بصح والله تا ريحتيني على الأقل الى رجعتي لداركوم بالي غيتهنا عليك

ليلى قربات منو وعنقاتو عناق أخوي وهي كطبطب على ظهرو وبعدات..

ليلى:عمري نسا خيرك نتا خويا لي مولداتوش ليا مي خوتي وملقيتش فيهم الخيير الله يسهل عليك أخويا غنتوحشك وتهلا فراسك

يونس:تهلااي فراسك ملي نرجع غنجي عندك نتي الأولى

سلمات عليه وهبطات وهو زاد باللوطو بقات كتمشى وديك الهضرة لي قالت ل يونس باش طمنو بدات كدور ليها فراسها وقررات أنها بصح غترجع لدارهم .. كتمشا جيهت دارهم ورجليها كيتقالو عليها ودماغها خدام متوقعة أي حاجة وتقدر تسمع شي حوايج لي غيزيدو يحقدوها ولكن تالين غتبقى فالزنقة ما حد لاين رااه شهر وهي تلاوح من قنت لقنت.. غا وصلات للدرب طلقات رجليها وبدات كتزرب فالمشية لقات الباب محلول متلفتاات لا هك لا هك طلعات نيشاان لبيتها لقاتو كيف خلاتو مطرف مقاد بدلات حوايجها بالخف وجلسات فسريرها كتحك يديها مع بعض متوترة تا زعمات راسها وهبطات توااجه مصييرها
هبطات التحت ودخلات للصالة كانو كلهم جالسين وكيتفرجو مها غا شافتها ناضت تجري عندها عنقاتها كتبكي

#يتبع
🍓🍓🍓🍓🍓 تابعوني