اعين لا تمطر 🫀

16

فريزات🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 16:

كتحل عينيها وكتغمضهم بعنف ألم فعنقها وصوت التيليفون حدا ودنها مبرزطها حوالات تنوض لقات راسها فالأرض حدا الباب مشكرفة معقلاتش ايمتا وصلات هنا ومن ايمتا وهي هنا.. بان ليها التيليفون حدا راسها باقي كيصوني كان أسامة حكات راسها وهي توسع عينيها كتفكر اش صرا البارح وبلي هو خرج وكانت معاه عنقاتو وهضرو قليل..

ناضت بالشوية حطات ودنيها على الباب مسمعاتش الحس وهي تمشي تال حدا الشرجم عاد جاوبات

ليلى:الو
اسامة:الو!! تي من صباح وانا كنعيط فين كنتي متقوليش ليا يلاه فايقا
ليلى:أ علاش شحال الساعة
اسامة:3
ليلى:ديال الليل؟
اسامة كيطنز:وليتي كتحشي ولا؟ ههه
ليلى بتوتر:أ لا لا متندير والو
اسامة:هه غا بالشوية علك ولكن جيتيني مقلوبة وصوتك ناعس ممولفاش تبقاي تال هاد الوقت.. مهم شوفي انتسناك حدا الجردة صافي ساعة كوني عندي
ليلى:لا لا متجيش لديك الجردة
اسامة طلع حاجبو:علاش
ليلى:هكاك
اسامة:جي لدربنا
ليلى :لا تأ دربكم لا
اسامة تعصب:نجي نهزك من داركم
ليلى:صافي مرة أخرى
اسامة غوت:جي حدا رأس دربكم عندك ساعة

وقطع ساخط ممولفهاش تشد معاه الضد بحال هاكا
اما هي ما فاهمة والو شافت الساعة لقاتها 3 نييت هي عاقلة لبارح بقات مع ديك 6 دالعشية مفهمات والو.. طرفات حالتها بدلات وهبطات للتحت لقات مها جالسة كتفرج
شافتها جات عنقاتها خايفة عليها

حنان:كي بقيتي ابنتي(بقلق) متبقايش تعصبي راسك ممزيانش ومتبقايش تسدي علك بوحدك وتغوتي راه ممزيانش

ليلى مفاهمة والو:كيفاش انا ايمتا غوت؟؟

حنان خرجات عينيها وحطات يديها على رأس بنتها كتفحص حرارتها:اويلي ياكما مريضة لالا خاص نديك نزورك..

ليلى:ماما مفهمتكش والله علاش كتهضري

حنان تنهدات وبدات تعاود ليها

فلاش باك🥀

جات حنان من الحمام غا دخلات طل عليها ولدها من الفوق باين فيه مخلوع ومعصب فنفس الوقت

سفيان:الوليدة اجي شوفي هادي مالها

حنان تخلعات لاحت والسطولة مخلوعة طلعات كتجري وهي كتسمع بنتها كتبكي وتغوت

من داخل البيت ليلى كتحرك فالأرض وتجر شعرها مضاربة مع راسها وكتشكي
"عطيوني التساع قهرتووني وبغيت نرتاح مخنوقة انا مخنووقة خنقتوني خرجتو ليا على حياتي وبغيت غا نموت انا ونتهنى وا تأ لي بغيتو مبغيتوهش نتوما تال هاد الدرجة مكتحملونيش .."

مها وخوها مضاربين مع الباب باغين يحلوه وهي تزيد تغوت

"بغيت غا التيقار عطيوه ليا خليوني بوحدي عاااااافاكم"

حنان جرات ولدها وخلاوها ما بقاتش بزاف وسكتات اما فين نعسات ما بقات فاقت..

🔙🔙🔙

ليلى موسعة عينيها مفاهمة والو

#يتبع