اعين لا تمطر 🫀

الجزء التاسع

سلام فريزات 🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 9:

كتبكي وتبوس فيها كتبرد شووقها ليها تا وقف باها ووراه خوتها

الأب إسماعيل:لاش رجعتي

أخ سفيان:خرجي بحالك

الأم حنان عنقاتها من يديها وكتحرك راسها بلا: معندها فين تمشي باغين تقتلوني بالفقصة لا بنتي تبقا معايا

الأخ سفيان غوت بجهد: خرجيي بحالك الشوها

إسماعيل:خرجي يلاه مبقاتش داركم صافي انا ما بقات عندي بنت طلعي جمعي حوايجك وخرجي فخطرة يااله سربي

ليلى كتشوف وحالفة لا نطقات مافيها ميتلااج طلقات من مها لي غير كتبكي ما على بالهاش را دموعها المالحين تا يهبطو على جرح ليلى ويزيدو يحفروووه ويغرقووه طلعات لبيتها وعلى نفس الحال بحال الا دموعها تيتجمعو تاني باش بحال الغيووم حتى تمتالئ عاد تمطر..
جمعات حوايجها فصاكادو دارتو على كتافها وهبطات كتجري مشافتش فيهم گاع وخرجات تا وصلات لنص الطريق وهي تبدا تسمع صوت مها كتعيط وتابعاها عيات تدير راسها مكتسمعش وتقصااح ولكن فالأخير كتبقى مها تلفتات عندها وقرباات منها

حـنــان:فين غادا تاني رجعي معايا أبنتي يلاه

لـيـلـى:لاء أماما مغنرجعش لشي دار مباغينيش فيها

حـنــان: لا لا انا باغاك أبنيتي غي يلاه الله يرضي عليك كوني تسمعي لهضرة انا متيقت إيمتا شفتك يلاه الله يرضي عليك عافاااك (والدموع تجمعو فعينها)

هي صافي مقدراتش تصبر كتشوف مها كيفاش كطلب فيها ودموعها على خدها شدات ليها فيديها ومسحات ليها دموعها

ليلى:نصبر على كلشي على قبلك أمي زيدي

تبسمات ليها حنان وكملو طريقهم للدار وخوتها كيشوفو فيها كارهينها ومقادينش يسبوها بسبب أمهم لي كانت غا تسطى فغيابها طلعاتها لبيتها دخلاتها للدوش دوشات ليها مشطات ليها شعرها بحال شي بنيتة صغيورة ووجدات ليها الماكلة خلاتها كتاكل تا شبعات وتمددات فسريرها ومها كتلعب ليها فشعرها تا داها النعاس

#يتبع🍓