اعين لا تمطر 🫀

الجزء 12

فريزات🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 12:

حلات عينيها على واحد الخيط دالشمس داخل من الشرجم عبسات ملامحها بالشوية وناضت غسلات وجهها ما جات فين تكمل تا سمعات مها كتغوت ليها من للتحت باش تهبط جاوبتاها ودورات عينيها فالبيت لقات شي بينتات دالكارو والطفيات جمعاتهم رماتهم من الشرجم وهبطات كتتاوب لقات مها موجدا ليها الفطور تاني مها هي الوحيدة لي واقفة فجنبها وخايفة عليها وناسية تماما بلي بنتها نعسات فالزنقة كتر من شهر واخا فبالها كانت مع سلمى ..الأهم أن تقتها فيها كبيرة واخا ليلى بدات تلاشي وتخون تقتها بفعايلها غادا وكتغرق فالبلية وما كاينش لي يعاونها حيت تا واحد معالم بأش كدير..

جلسات حدا مها كتبسم هاد الأخيرة لي جراتها عندها من يديها كطمن عليها..

حنان:تمشي معايا للحمام؟

ليلى:لا لا مقاداش

حنان:غي يلاه تريحي عظامك

ليلى:لا لا اماما والله مفياش

حناان:ولي بغيتي راه الغدا فالبوطة ملي تبغي تاكلي سخنيه وراني طرفت نتي غا طلعي لبيتك بلاما تحاكي مع خوتك صافي

ليلى:صافي

بقات كتاكل بينما مها مشات جمعات رزمتها والسطولة وخرجات.. وهي غير كدور عينيها شداتها واحد الدغدغة فكرشها ويديها بداو كيتنملو عليها إحساس فشكل بحالا الإدمان وشهوة التدخين بدات كدخل معاها وهي جالسة دخل خوها الكبير كيشوف فيها غا بنص عين مخنزر دخل للكوزينة وريحت الكارو كتعطي منو هي شماتها بدات كتفرك يديها مع بعض مكرهاتش تقول ليه عطيني نكمي عتقني.. خرج من الكوزينة وداز على الدار ورجع وقف حداها مخنزر ونطق فوق من خاطرو

الأخ:الواليدة خارجة؟

ليلى:اه

خطف من الطبلة شوية المسمن وطلع بحالو تاهي جمعات داكشي بالخف وداتو للكوزينة ..
#يتبع