اعين لا تمطر 🫀

الجزء الحادي عشر

فريزات 🍓

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 11:

سورتات الباب وتكات فالسرير على ظهرها جبدات داك الكارو لي فجيبها كترعد زربانة دخل معاها الإدمان رغم أن تجربتها الاولى فات عليها بزاف دالوقت .. ولا يمكن القطعة ويمكن تفكيرها السادج ساعتها قال ليها بلي البلية غتنسيها شوية دالهم..
شعلاتو وبدات كتبخ وتنتر وكتوحل ليها بعد المرات لكن كتعافر وتكمل خدا منها بزاف دالوقت عاد كملاتو ورتاحت نوعا ما.. ما روااش شوقها فالتدخين ما طفاش شعلتها فالتجربة باغا تزيد تعمق
زادو عينيها حمارو كتر وكتر.. وهي غي كتفكر فأسامة حتى قالت التدخين غينسيها ولا يمكن حيت اسامة ماشي هم اسامة عشق..

وهي كتنشوا بدات كتسمع الدقان فالباب وشي حد كيحاول يحلو..

من ورا الباب
الأم:حلي الباب ابنتي وهبطي تاكلي

ناضت مفزوعة خايفة تفضح

ليلى بتوتر:واخا واخا! انا هابطة

سمعات الخطوات كيبعدو عاد تهدنات ومشات لواحد الديدوغون بدات كترش فلبيت وكترش على حوايجها وففمها على امل تمشي الريحة.. دخلات غسلات سنانها وغسلات وجهها بدلات عاد هبطات..

لقات الطبلة موجوودة ومحضرة وباها وخوتها جالسين بعاد ومها فقنت دايرة ليها فين تجلس حداها داكشي لي دارت جلسات حداها ومها بدات كدفع ليها الماكلة وتبزز عليها تاكل تاحسات بالتخمة عاد وقفات تاهي موحشة ماكلة مها.. ومها مكدباتش فاش قالت مسارنها تهلكو بماكلة الزنقة..
خوتها ناضو خرجو وباها طلع لبيتو اما مها ناضت كتجمع الطبلة وهي بدات كتقلب على الوناسة ما بان ليها غا ديك الباكية تاني مشات كتجري ليها مخماتش وهزات 5 السجائر وطلعات كتجري تاني سدات عليها فالبيت بدات وحدة ورا وحدة ملهوووفة بلا قياس باغا تعييش لحظاتها تا كملاتهم وطلعات معاها التبويقة وهو يبدا يجيها النعاس تقطعها صوت خوها كيغوت للتحت

"-ولينا عايشين مع جنون فهاد الدار وتاهما مبلينين ولا شنو وااا كنحط الكارو كنلقاه ناقص
-هاديك غا تبويقة كميتيهم ومرفدتي هم"

ضحكات بخفة على حالتو وستسلمات للنوم كتسنى نهار جديد

#يتبع
أرائكم كبيدات 🌹