اعين لا تمطر 🫀

الجزء السادس

🌪️أعـيـــن لا تــمـطـر 🌪️

|°• مسندي وسندي وأتكائيَ عُمقي وقوّتي ومُلكي ومَملكتيَ وضلعي الثَابت الذي لا يَميلُ أنتَ •°|

جـــزء 6:

كانت أول مرة تبكي فيها معرفاتش واش كبرياء هو أو غرور ولا شي حاجة أخرى ولكن لي عارفة أن آخر مرة بكات فيها ملي كانت صغيرة.. حسات بشي واحد كيقرب منها مسحات دموعها بطرف كمها دغيا وتلفتات كان واحد الشاب يمكن كتعرفو جاي كيميل تاهو من صحاب الليل والطاسة..
قرب ليها ولاح القرعة بعيد كيمسح على جنب فمو وكيمسح يدو فحوايجو بثمل وكيقرب تا وقف حداها حقق فيها مزيان ونطق

حُسني:وااايلي ليلى هادي (حك على عينيه) كتسناي خويا أسامة (حك على راسو وهو دايخ) ولكن هو مشدوود مسكين الله يطلق سراحو ونتي علاش جالسة بوحدك هنا مخفتيش؟؟

ليلى كتشوف فيه وتحقق تا عقلات عليه تاهو من صحاب أسامة ونطقات بلا مبالاة..

ليلى:لاش غنخاف

جلس جنبها وهي متحركاتش من بلاصتها مخيفااش منو نهائيا..

حسني:طاري ليك شي بلان ياك أختي ليلى عاودي ليا عاودي خووك أنا

ليلى:لا أخويا مواقع ليا والو غا بغيت نبقا جالسة هنا

حسني ضحك:واغا متكذبييش را فخبااري جارين علك داركووم ومعندك فين تبايتي

ليلى صغرات عينها كتشوف فيه من بين رموشها:وملي عارف لاش كتسول

حسني:أشوفي أفريدة شتي أساامة را عشييييري ونتي را بحال الخوادرية لا بغيتي نديك للدار كاينة الواليد وخواتاتي والله ميخصك خير نديرك فوق راسي

ليلى شافت فيه مطولا وهي كتقول فراسها دازت عليا مرة منعاودش ولكن هاد حسني جاها ضريف وولد الناس تنهدات ونطقات

ليلى:إلا غتعاوني بقا معايا أخويا غي تال الصباح ونقلب على راسي

حسني حرك راسو:أهااه أختي هانية أصلن أنا غا سكاايري(ضحك بجهد وكمل) بلاصتي هادي تا نسحا

تبسمات ليه وبقاو جالسين وهو بدات طلع معاه التبويقة والسكرة وبدا تيعاود ليها ويسب فشي بنت فرّات (سمحات) فييه وهي غا كتسمع بحالا ناقصها همو.. داز الوقت وبلاما تحس هزات تيليفونها ودوزاات أبيل لسلمى بريڤي باغا تفرگع عليها بالبياان دغيا جاوباتها

سلمى:ألــو

ليلى:ألو صااحبتي! ختي! لباااس عليك مرتاحة صافي نسيتي خيري شحال من مرة كان كيسلخك باك وتجي تباتي عندي هاا! ولكن سري وشووفي ااه والله مزيانة هاد المحنة لي انا فيها علماتني بزااف

سلمى بتوتر:أ ليلى سمعي

ليلى:وا تلاحي سالينا دابا
..وقطعات عليها وهي كترعد بالعصااااب

شافييها

#تتمة

..وقطعات عليها وهي كترعد بالعصااااب

شافييها داك حسني ونطق بثمل

حسني:صاحبتك هادي

ليلى بإستهزاء:هادشي لي كانت كتقول!

حسني بجهد:شتي گااع الصحاب ولا القــ*ـــحــ*ا ب

(تحية لصحاباتي😂)

ليلى:كنت تنسمعها و كنقول هضرة ولكن صافي شتي هادشي مكيهمنيش آخر حاجة ضرني هي هادي دابا تمشي تعووم بحرها

شافيها وهو كيقلب عينيه بسكرة وخشا يدو فجيبو جبد ورقة دنيبرو وبدا كيفتخ واحد الطريفة وهو كيدوي معاها

حسني:شتي نتي خاصك تكوني بحالي متيقيش فبنادم وشتي فهاد الوقت خوتك مخاصش تيق فيهم بقا غا الصحاب (كمل الجوان سدو وباسو) شتي هادا حاشا واش يكون سم هادا *نعمة* كتخليني نساا ونطييير للفووق كنحَلّقْ مع الفراشاات وعالم الالوان (وبدا كيضحك)

ليلى كتشوف فالجوان بعمق:كتنسى؟؟

حسني بمزاح:زهايمر كتعرفييه؟ وراه ولد عمو هذا! (كيضحك) تجربي

ليلى:اه عطيني نجرب

حسني جمع الضحك:
منيتك

ليلى خطفاتو ليه:اه ياك غنسى

حسني: طلقي الجوان غتخسريه راه حاط فيه فلوسي

ليلى:انا غير غنخرب مغناكلوش

حسني:وبااغا تجربي بجوان من الأول؟

بقات كتشوف فيه بحدة شاف تاعي تنهد وعطاها بريكة شعلاتو ونترات منو نترة صغيرة خلاتها كتكحب بقوة داك الجوان مع كان مگمح ومع أول مرة جاها قاااصح بزااف بقات كتكحب ما دوزاتو غا بزز وزادت نترة ستحلاتها وزادت التالتة وهو يخطفو ليها

حُسني:جمااع را طايح عليا ب 50 درهم

ليلى عينيها ضروها شوية ماشي لدرجة أنها ترفع ولكن حسات بإحساس غريب وسعات عينيها زوج مرات ورجعات راسها اللور كتفكر كل ما داز عليها على شكل شريط قصيير ما كنضنش بلي كيرفع وينسي هو غير كيزيد يعذب ولا يمكن مخداتش لادوز الكافية

#يتبع
تعاليقكم وأرائكم وجيماتكم كبيدات 🌹

🍓فريزات  دعمكم