تعبت مــن المطاف في نفس الحياة
نفس الحياة المُتعبة ..
اريد النجاة !..
اريد النجاة على شكل شخص او غيره !
_گاعدة وفنجان القهوة بيدي وعيني على النجوم اللي مقابيلي
ابتسمت ابتسامة جانبية ورجعتني ذاكرتي لـ حچاياته !
دُرة : رائد شوف النجمة شلون تضوي
ياريتني انا نجمة والناس تنبهر لما تشوف الضوء اللي يشع مني .
-جاوبني وهو يتأمل بـ تفاصيلي وبالة بعيد عن موضوعي :
رائد : متستحق النجمة تشبهين نفسچ بيها
لان أنــتِ القمر ..
وانتي بعيني احلى مــن هاي النجمة اللامعة دُرة
درة : تنهدت وجاوبته بحسرة :
-الدنيا ما خلت بية لا ضوة ولا لون
رائد انا انطفى شيء بداخلي
مو سهل اللي عشته انا ،
رائد :اعوضچ واصيرلچ دنيا مليانة امان
نامي ولا يهمچ ضيم الايام
الراح راح انسيه واتعدي !
درة : حضنته وانا احس اريد اضمه لـ گَلبي
ياربِ معقولة الدنيا ضحكتلي
ورزقتني بـ انسان يعوضني ؟
_فزيت مــن صفنتي وضحكت بـ استهزاء :
جتي عندي اختي وصغيرونتي رنيم ،
رنيم : حي الله اختي العلم
شو كاعدة وحدچ بالجذب كولي خواتي اصيحهم اكسب اجر بيهم :
درة : يبووو راح تنفخ راسي عاد
يمعودة خليني كاعدة بـ امان الله بدون دوخة
رنيم : حسيتچ تقصدين شيء بالدوخة بـــس راح اغلس
شافطة فنجان القهوة كله دنهضي صبيلي الله يخليچ حبيبة .
درة : تأمرين بـ شي بعد حـبيبي
رنيم : لا بطل ماي وياچ بـــس تدرين انا ويا كُل رشفة اشرب نص بطل
درة : نزعت سلاحي المُعتاد وصحت :
كومي عن وجهي احسلچ
كاعد تتأمر فوگ ما هيَ راسبة وضامة علية
نوب تجي بكُل عين صلفة تكعد وياي ..
رنيم : اكلج ترى الانسان المُثابر لازم يحاول ويتعب
ترديني انجح مــن الدور الاول وبس
يعني اكيد لازم احاول واسعى للنجاح ،
درة : اي والسعي مالتچ هو الرسوب مو !
رنيم : تصبحين على خير حبيبة قلبي
وبستها ورجعت اركُض لغرفتي
لان اذا استلمتني بعد مستحيل اخلص ..
-رجعت مددت بـ فراشي وانا مبتسمة ،
فدوة لعيونها والـ طيبة گَلبها
هيَ مو بـــس اخت هيَ ام واكثر
اختي ضحت بـ شبابها ومستقبلها لخاطر تكبرنا وتربينا ،
أنت تقرأ
أن تقتل بريئاً
Actionرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
