أن تقتل بريئاً

Part 2

أنّ تقتِل بريئاً

(تبارك محمد )

وانا گد ما خايف اخسرك
تارس رسومي القلق !
وامي مــن اهل الله چانت ...
عين صابتك تگُلي وتقرة فوگايَ الفلق !

،،،،،

رفّق : مــن بعد وفاة والدي الله يرحّمه

_صار البيت ظلمة بلايه روح
صارت الايام خالية والگلب مليان جروح ،

_صغيرة لَكن دائِماً امي تگول رفّق بيها صفات مــن عمها وضاح
وانا وضاح ما احبه ولا اجرعة !

_وجنت اضوج بداخلي يشبهوني بيه ...

_ما جنت اعرف امي شنو التقصدة ؟
لَكن عموماًً كاعد تشبهني بـ انسان ما احبة ..

_من بعد وفاة والدي تبهذلنا
وعمامي ما ساعدونا بـ اي مصروف
وما قدمو النا اي مساعدة غير السؤال فقط !

_واحنا 4 بنات بـ رقبة امي
ومسؤولية كبيرة جداً شالتها هيَ لـ وحدها ..

_ طلعت تراچيها باعتهن وويا جيراننا بيت ام موج
دزت على مكينة خياطة ..

_وصارت تخيط بالمنطقة
ولان النسوان يعرفون وضعها المادي تعبان
فـ الكُل صار يتردد عليها بشكل ..
وصارت عدها زبائن هواي
وماشاءالله هي شغُلها هم مو قاصر امي

-وتشتغل بـ ذمة وضمير ..

_جيراننا بيت ام موج
طبعاً موج مــن عمر اختي دُرة
لَكن هي صديقتي انا
وعلاقتنا بيهُم قوية جداً

_وبكد ما خالتي ام موج تحبني
مترفض الي طلب حتى لو طلبت تبات عدنا موج ..

_لَكن امي تخاف علينا مــن الطير الطاير
ومستحيل تخليني ابات عند اي احد

_فـ جانو ميفتحون الموضوع وياها
مُجرد اروح اشوفها واتونس وياها وارجَع ...

_انعزمنا على عرس اخو موج الكبير
وجان اول واحد مــن اخوانها يتزوج ..

_وبكد ما احنا نحبهُم حسيته اخوي اللي راح يتزوج
وانخبصنا وخبصنا امي وياي ..

_وسودة علية امي انكسر ظهرها وهي تخيط النا فساتيننا

_لَكن بوقتها دُرة ما رضت امي تخيط الها
واختارت تلبس مــن اللي عندها ..
حتى توفر على امي مصاريف زايدة ...