أن تقتل بريئاً

Part 4

أنّ تقتِل بريئاً ،

(تبارك محمد )

ولا أرجو سوى ان اتعافى
بشكل كامل مــن كل ما مرنّي مــن سوء
أن تمحى الايام السيئة مــن ذاكرتي تماماً ،
وأن اعوض بـ ايام لا أجد فيها حزناً ولا ضيق ،

،،،،

سدن : مــن احلى الصفات اللي عندي هو الصبر
الصبر والايمان القوي
الف الحمدالله على هاي النعَم اللي اعتبرها رزق عظيم
دائماً احساسي يكلي أن رب العالمين يحبني
ومن خلال مواقف كثيرة
بكُل مرة تمُرني بيها مشكلة كبيرة او ضيق
واحس ماكو حلول ..او مخرج ..
وبعض المرات افقد الامل ..

_وابچي بحضن سجادتي
لَكن اشوف النجاة تجيني مــن حيث لا أشاء!
وبلا محاولات مني ..
والعقد كُلها تتفكك ..

_بديت اكبر واحمد ربي على نعمته
بكُل مشكلة تصير ما أيئس مــن رحمة ربي
واعرف راح يعوضني عوض كبير ..
رغم جنت صغيرة سن
لَكن حتى الوالدتي اكول الها هذا الكلام ..

_لان رب العالمين وصف النا الصبر أنّ هوَ مفتاح الفرج ..
وما بعد الصبر الا فرج وعوض عظيم ..

_وان شاء الله ربي يعوضني عن حرمان والدي
ويعوض والدي بـ جنات النعيم ان شاء الله ..

_روتين مُمل بدون امي
بعد الموقف الاخير اللي صار ويا خالي واخذها وياه
جنت متخوفة فعلاً امي تنجبُر
وغصب عنها تخضع الهُم وتوافق على عمي وضاح ..

_صعب علية جداً
مُتناقض شعوري
اريد امي جانبي
وما اريد احد غير ابوي يشاركنا بـ امي
ما اتحمل الفكرة ومُمكن افقد صبري
لَكن ارجع استغفر واكول الكاتبة الله يصير ،

_صليت قيام الليل ورحت اتمشى اريد اكعد شوية برة
طبعاً بيت عمي كبير جداً
مقارنتاً بـ بيت ابوي هوَ جداً كبير
لان هو بيت جدي بالأساس وبعدين صار العمي ابو رائد ،
طبعاً عمي طيب ما شفنا مــنة اذية
بـــس مرتة نحسة شوية علينا استغفر الله ،
وخصوصاً ؏ اختي رفق
محاربتها جداً ..

_طلعت وشفت گبالي دُرة توأمي ورفيقة دربي
جانت منطيتني ظهرها وعينها على السماء
وجسمها يختض ومبين گاعد تبث حزنها الـ وحدها !

_رحت اتمشى عليها بسُرعة ولزمتها مــن كتفها
صدت عينها علية وحچت ،

درة : صباح الخير حبيبتي شعندج كاعدة ؟

سدن : صباح العافية كعدت على الصلاة تدرين بية هيچ وقت اكعد ،

درة : تمام روح گَلبي روحي ارجعي نامي

سدن : لتحاولين تصرفيني مــن المكان
احچيلي انا مو توأم روحچ؟
لـيش مختلية بنفسج وكاعدة تبچين ؟

_حچيت هالـ كلام وهيَ بدت تنزل دموعها بـ غزارة :

درة : سدن لان احنا خوات مُمكن نتشابه بالشعور
لان امنا هيَ اللي كاعد تنظلُم
والناس كُلها صارت ضدها حتى جدتي !!!
جدتي اللي نايمة جوة وهيَ ساكتة وراضية على فعل ابنها
اعتبرها هيَ بعد ظالمة ومُتجبرة .