أنت تقرأ

أن تقتل بريئاً

Action

رواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...

#حب #رومانسية #قصص #مراهقين

Part 17

56 4 5 
                                    

                                              


ان تقتل بريئاً ..
(تبارك محمد )
وخلصنـَاها تگضي 
الله كريم ، تهون 
واحنا جروحــناّ 
شما كبرت نكابر 
وادمنا أعلى طيبك تستغل البيك 
ومن توگع لأجلهم تنحسب خاسر ! 


،،،



رنيم : احس بـ خوف فضيع طول ما انا متواجدة ببيت وضاح
شنو السر ما اعرف
قلبي ما يتطمن ابداً ويا هالـ عائلة
واحس صابرين تدور علينا الزلة !


_اشتاقيت لــ بيتنا جداً 
وانا مــن نوع اللي انتبه واركز هواي 
وهو غالباً ما يكون قليل الكلام نبه واذكى مــن اللي يتكلم هواي 
هالـ حجاية جانت تكولها الي درة دائماً ..
_وصرت انتبه واحس بيت وضاح مو نظيف ابداً
واوسوس صرت حتى للحمام اخاف اطلع
وانا صايرة بية خوفة مــن هالـ موضوع ..

_اول يوم وصلنا بيت وضاح 
وهو الفرحة ما شايلته لان سهر راح تدخل لـ بيته 
جنت اسأل نفسي 
شنو سبب هذا الحُب ؟
رغم امي ما تباوع بوجه وضاح نهائي
ومبينة تقرف منة
ورغم هذا الصد بـــس هوَ الحب واضح بعينه 
شنو السبب ما اعرف؟

_وصلنا ونزلنا للبيت وانا ايدي على كلبي
راح اشوف وجه صابرين
صابرين اللي ايام وليالي انا افكر شلون انتقم منها 
وشلون ارد جزء مــن الحطام اللي حطمتني ياه !!
لَكن امي ما علمتنا على الحقد 
اكعد ثاني يوم ناسية اي تفكير او انتقام 


_لَكن تبقى حزه بداخلي كل مرة اصد بيها للمراية
واشوف جزء مــن ركبتي محترك وشكله مقزز
وانا بنفسي ما اكدر اباوع عليها 
شلون اللي حواليه !

_دخلنا لــ البيت وجانت هيَ واسراء بنتها كاعدين 
صدت عينها وهيَ عود تحچي بـ دلع ..


صابرين : هلا يبعد كلبي البيت يبجي مــن انت ماكو 
صدت عينها وشافتنا كلنا 
وفتحت عيونها على وسعهن ...


رفق : سلاماً قولاً مــن رب الرحيم ...

رنيم : كتمت ضحكتي وصديت على رفق وانا اسأل ..
اكلج رفق شو ما تدلعه لـ عمج ؟
رفق : بربج شتكله يعني ضحوشتي 
هو لا خلقة ولا اسم ترهملها دلع 


رنيم : ضحاوي مثلاً 

رفق : بابا اسكتي شنو هالـ تلوث السمعي هذا ..
هسه شاهدي السينما اللي راح تصير 
مو طول عمرچ تتوسلين بـ امي تردين تروحين سينما

رنيم : ضحكت وصرت اكتم صوتي كوة 
وصابرين تفرفح ..


صابرين : ولك وضااااااح تجيبها ببيتي هي وبناتها ال****
اعترف كول ماخذها علييي 
تتزوج علييي وضاحححح 
واللــه اذبحها سجينة بنص كلبها واذبحها
أن تقتل بريئاًحيث تعيش القصص. اكتشف الآن