ان تقتل بريئاً
(تبارك محمد )
الليلة دورك ..
انه الاغثك وانت تبچي
انتَ وديلي الرسايل وانه اشكهن
انه انام وانت ظَل اكتب قصايد ..
اريد اشوف شون تصير
مــن ينشدونك علي شراح تحچي ؟
،،،،
موج :يصيبك موقف واحد بـ حياتك
وجع واحد بـــس !
مــن بعدة تتغير
يموت كل شيء بداخلك
ومترجع مثل ما كنت
وجع يكسر بـ داخلك الحياة وانت حَي
وجع يحطمك حتى لو حاولت تلملم شِتات نفسك
ما راح تكدر !!
_انا بنت لا حول ولا قوة
ما الي اي ذنب باللي صارلي ابداً
مجرد عندي ابن عم عديم شرف
ويفتعل كل المُحرمات
وبـ لحظة چــان شارب لحد ما فاقد عقلة بالكامل
وكسرني وحطم شيء اسمة موج
كسرني وسلب اعز شيء بحياة البنت ..
بعدها حط راسة ونام مثل الكلب
صرت اسحل بـ نفسي وانا دموعي تمطر
دخلت للحمام وصرت اغتسل بكل قوتي
ودموعي تختلط ويا الماي النازل
ابچي واشهگ وشهگاتي تتعالى
احس نفسي وسخة وكافرة ..
_طلعت وتوجهت لـ غرفتي دخلت
وقفلت الباب وراي
وذبيت نفسي على السرير وبقيت ابچي ساعات متواصلة
صرت اضرب نفسي بـ قوة
احس اريد اقتل روحي واخلص مــن اللي انا بيه
ما كاعد استوعب اللي صار ابداً
معقولة اكو انسان عديم الاخلاق والضمير لـ هذا الحد ؟
جنت اسمع مــن الكل عنة هوَ عديم اخلاق وسكير
وهواي صفات اخرى
بـــس ما توقعته لـ هاي الدنائة !!
أنت تقرأ
أن تقتل بريئاً
Actionرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
