أنت تقرأ

أن تقتل بريئاً

Action

رواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...

#حب #رومانسية #قصص #مراهقين

Part 15

44 3 3 
                                    

                                              

ان تقتل بريئاً 
(تبارك محمد ) 

شنو متعب معانيچ ؟
اول مرة اشوفچ هيچ كبرانة 
اول مرة احس مكسورة تمشين 
وانا اللي اعرفچ
اقوى انسانة !
،،،

موج : تعبانة وايدي ما بيه ارفعها 
فاض بية الصبر 
ومصيري ما اعرفة شنو بالضبط 
صرت اكره مــن ينذكر طاريه گبالي 
عشت بـ دمار واكثر 
وانا يوميا احس نفسي انا وسخة 
_واللي زاد قهري هوَ زعل رفق 
زعلانة وما تعاين بـ وجهي 
همام يلومني دائماً على ضعفي 
بـــس ما يحسون بـ احساسي ابداً 
ما عايشين اللي انا عشته 

_اخواني بكل كعدة 
يقنعوني ارضى بالزواج 
واتقبل الواقع بعد هو يبقى ابن عمي
حقهم ما يعرفون ابن عمي شنو !!
لو يعرفون چان ما قنعوني ارضى بـ هيج انسان 
بـــس جانت توقعاتي كلها خطأ
واللي سميتهم سند طلعو مو سند !

_كاعدة احسب بيني وبين نفسي 
الشهرية ما اجتني احد الان 
مــن قبل متصير سالفة قاسم 
وانا عادتاً هيَ منتظمة جداً 
بـــس شو هالمرة ماكو 
معقولة بسبب حالتي النفسية ؟

_بقيت ايام وليالي انا مثل ما انا 
ابجي لحد ما اتعب مــن البجي وانام 
ومنتضرة تجيني رفق 
محتاجتها حاجة الطفل ..

_محتاجة افضفض الها واحجيلها عن مخاوفي الي دا افكر بيهم حالياً 
لبست عباتي وطلعت امشي لزمتني امي مــن كتفي ..

ام موج : ولج مفجوعة وين رايحة بـ هالظهرية اخوانج على جية
كولي وين رايحة 

موج : يمة شبيج ترة اذا اريد انهزم مانهزم الظهرية گبال عينچ
رايحة على رفّق مشتاقة الها وصار فترة ما جاية ملتهية ويا اختها

ام موج : خليني انا اوصلچ 
موج : يممممة شبيج وين مولية انا 
هو بعد عننا كم متر واوصللهم 
لا تخافين علية هي خطوتين وانا يمهم

ام موج : يلا يمة روحي الله وياچ ..


موج : طلعت امشي وصلت بيت خالتي ام درة 
دكيت الباب واجاني صوت درة 
كـ العادة كاعدة بالحديقة ...


درة : منوو ؟؟
موج : انا موج درة فتحيلي ..

درة : ابتسمت لان صار فترة ما جاييتنا 
مسكينة موج وماعدها حظ 
فتحت الها الباب وحضنتها ..

_هلا يعمري نور البيت 
تفضلي ادخلي هسه يطيرون بـ جيتج ..

موج : دخلت امشي وشفت عمة اميرة كاعدة تهتم بـ زرعاتها 
سلمت عليها وحضنتها 
حنينة جداً وتعتبرني انا وحدة منهم 

رفق : كاعدة اصفط هدومي 
والصراحة هاي اوامر مــن الست الوالدة 
الا انا ما ارتاح بـ هاي الفيكات 
اذا ما افتح الكنتور والهدوم توكع بوجهي ما احس باللذة
أن تقتل بريئاًحيث تعيش القصص. اكتشف الآن