أن تقتل بريئاً ،
(تبارك محمد )
بعد بية حزن ينكتب ما ينشاف
حزن محد شافه
حزن شفاف
والتعب مستوطن بـ روحي
متلفلف عليه ألفاف !
،،
رفق : حرفياً الواحد بدون اهله ينذل
رغم امي مرة طيبة وفقيرة بشكل وما تكدر تدافع ابداً
لَكن وجودها كافي
اللي چــان يقوينا ويصبرنا على مصاعبنا .
انذلينا بمعنى الكلمة ،
_گاعدة انزل البردات حتى اغسلهُم وهاي تنكد على راسي
وانا ما نايمة عدل واحس روحي تريد تطفُر ،
ام رائد : رفق عدل اشتغلي وين بالج طاير هاا؟
شلون بنات هالوكت يدوسون بالگلب على هاي الفهاوة ،
رفق : عمتي احس شي دخل بعيني ما اعرف
تعالي شوفيلي ياه ،
_واجاني اكثر صوت مقرف بالدنيا ،
وضاح : ها ها سلامات بنيتي شبيها عينچ
جيبي خليني اشوفها الچ خاف دخل بيها گش مــن السقف ،
رفق : لا شكراً ميحتاج
انا هسه اشوف وين درة اختي تشوفلي ياها
بـــس خلي مرتك ومرت اخوك يفكون ياخة عني
ترى احنا مو خدم هنا خليها ببالكم ،
وضاح : لا حشاكم بناتي انتو منو يدوسلكم على طرف
هما يخدموكم مو انتو تخدموهم ،
اتركي كل شي مــن ايدچ وانا رايح انام
واللي يحاجيكم تعاي دكي الباب علية ،
رفق : حچيت بگلبي :
لو تبقى اخر واحد بالدنيا ما احتمي بيك
هوَ انت ينراد النا واحد نتحامى بي مــن عندك
_جتي الاتعس بعد زوجتة ام اسراء
هاي اذا اوصفلكم رب العالمين حط خباثة الدنيا بقلبها
هم ما يكفي الكلام ابداً ،
ام اسراء : هااا يـ رفقة الظاهر تريدين درس مثل اختچ
شو كاعد تجيني شكاوي منچ
ومبين كاعد تتلزكين بـ وضاح وعود تحركين بي على عائلتة ،
رفق : ما شدني شيء واحد الا كلمة اختج !
حچيت وانا مستفسرة ؟
شنو درس مثل اختج
شنو قصدج ومنو تقصدين بـ خواتي ؟
ام اسراء : ضحكت ضحكة قبيحة وحچت :
روحي على اختج رنيم الشيطانة
وعود تعاي روايني بطولاتچ :
رفق : تركت كل شيء مــن ايدية ورحت اركض مثل الفاقدة
اريد اعرف شبيها اختي وهاي شمسوية وياها
وشنو تقصد ؟؟
حتى وجع عيني نسيته بالي كله يم اختي ،
لَكن ادورها بكل البيت وما جاي الگاها !!
،،،
رنيم : احس روحي طارت مــن الالم
وبكُل برود تركوني مشمورة على الارض وانا مثل المذبوحة
رافعة راسي ليفوك وما اكدر اتحرك نهائي احس الحرارة تاكل بكلبي مو بـــس رقبتي ،
أنت تقرأ
أن تقتل بريئاً
Actionرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
