ان تقتل بريئاً
(تبارك محمد )
مابية
مابية حيل ارفع جفن
ذبلان جسمي مــن الحزن
والدمع مــن كد ما نزل
ماخله لون بـ رمشي
محتار بحلامي البقن
شو ما رضن يتحققن ..
،،،
درة : الشوگ اكثر شعور يوجع المحبوب
خصوصاً لو شخص انت مــن صغرك متعود عليه
متعود تشوفه كبال عينك
شوكت ما تضعف ،تحزن ،تضيك بيك الدنيا
تركض تلجئ لـ احضانة
_وهذا شعوري اتجاه رائد
يوم بعد يوم شوگي يزيد
وابقى مگابله الصور وابچي
جانت عندي صورة مستعزة بيها
جانت صورة النا واحنا صغار
وهو مخليني على رجليه ومبتسم جداً
_وجنت مقررة لو الله كتب النا نصيب وصرنا البعض
راح اكبر هاي الصورة واعلكها ان شاء الله
_اليوم صارلة شهر و 18 يوم هوَ ماكو
وانا ليلية اكابل الحديقة ودموعي متوكف
اشتياقي يزيد الة
_وعمتي اميرة يوميا تجيني وتصبر علية ..
اميرة : هلا بنيتي هم كاعدة اليوم هنا
درة : ابتسمت وجاوبتها ..
اي امي اتعودي علية هذا روتين
اذا رحت اريد انام وانا ما تعللت بالحديقة احس ناقصني شي
هاي روتين ليلي عندي
اميرة : بـــس هاي الفترة تختلف
هاي الفترة اني حاسة درة حبيبة عمتها مهمومة
اشوفج تجرين حسرات
درة : يوم انا مهمومة
مشتاقة الـ رائد هواي ومفتقدة وجودة بحياتي
صح مرتاحة وامي حوالينا وانتي
بـــس هوَ وجودة ضروري بحياتي
اميرة: ضحكت وجاوبتني بـ فرحة :
ياروحي اللي كبرانين وصايرين يعشكون
تدرين كلبي حاس مــن زمان
مــن انتو صغار واجي لبيت اهلي زيارة
جنت اكول رائد راح يكبر يصير يحب درة
سبحان الله احساسي ما خاب
درة : عيوني لمعت وسألتها ..
عمة شنو الشيء اللي خلاج تحسين هالشكل
؟؟
اميرة : جنتي صغيرونة وشعرچ يخبل صلوات
سرح ماي وطويل وانتي هم طويلة ورشيقة عبالك مليكان
تكعدين بالوسط وتلعبين مثل الفراشة
وتغنين بصوت ناعم
هيلا يا رمانة هيلا يما هيلا يما
مــن هيَ الزعلانة
درة : ضحكت بقوة وجاوبتها..
اسراء الزعلانة
منو اليراضيها
الچلب يراضيها
أنت تقرأ
أن تقتل بريئاً
Acciónرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
