ان تقتل بريئاً
( تبارك محمد )
حَيل بينا
احنا ضيعنا العمر
مــن بين ايدينا
واحنا تانينا القطار
وما مشينا
بلكي شي منكم يجينا
ردنا ننسى وما نسينا
ردنا نبچي وما بچينا
ونعتب ونحچي وعليمن
وياهو يسمع لو حچينه ..
تاكل الحسرات بينه وما بچينه
كلها مــن گلوبنا العمت علينا !
،،،
اميرة : اكو اشخاص بـ بدايتهم يذهولك
بـ اختلافهم ،بـ حنيتهم ،بـ تميزهم ،
وبـ شغلات اخرى كثيرة
بحيث تصير بينك وبين نفسك تحمد الله وتگول
ياربِ شنو هالـ انسان اللي الله رزقني بيه ؟
وتصير تشوفة احسن بشر بـ هالدنيا
وتحير شلون تحبه مثل طريقته هوَ؟
لَكن بالحقيقة هوَ ممثل لا اكثر ولا اقل !
يجيد التمثيل ولبس قناع الكذب
_وببساطة انتَ لان انسان نقي فـ متكدر تمثل بـ طريقته الحقيرة
وبالتالي توكع على وجهك مــن الصدمة اللي تنصدمها
بعد ما يصير موقف واحد يكشف الك الوجوه الحقيقية !
_عشت مدللة وفعلاً اميرة بـ احضان امي
عشت طفولة صح ومراهقة صح
وبكُل مراحل حياتي مرتاحة متونسة ..
جانت امي ونعمَ الام ما مقصرة ابداً
_ومن كمية الحنية والطيبة اللي شايلتها ربت ابن ضرتها
اللي هوَ اخوي وضاح
ربته واعتبرته ابن بطنها
وحتى احنا خلت ببالنا هالـ فكرة
وصار واحد مننا وبينا
لَكن للاسف وضاح بسبب عدوانيته وتهجُمه
صار يبعد نفسة بـ نفسة
نحبه ونعزة جداً لَكن نتجنب الكعدة وياه
لان الواحد ما يحب يقرب مــن النار اكيد !!!
أنت تقرأ
أن تقتل بريئاً
Actionرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
