أن تقتل بريئاً
(تبارك محمد )
لا آنا راضي بـ مستحاي
ولا آنا المسودن وأعيل
لا ضحكت بـ بال صافي
ولا أنا ابو وجه الثگيل ،
(عيدكُم مبارك وعساكم مــن عواده )
،،،
سدن :اصعب شيء لما الانسان يتصرف بدون وعي
ويخلي حزنة او غضبه يسيطر عليه
علينا دائماً انّ نبقى ثابتين
رَغم المصاعب لَكن علينا الصمود دائماً
لان الحياة مليانة تعثُرات
ماكو انسان مرتاح
نبينا محمد ( عليه الصلاة والسلام)
"كال ماكو راحة بالدنيا "
_وصدق رسول الله
احنا اليوم حتى لو ردنا نتونس
حتى الونسة ما تخلى مــن التعب
وبالتالي نكول الله واللــه تونسنا لَكن تعبنا
هيَ الدنيا زائِلة
ومليانة متاعِب
بـــس القوي والحليم يعرف شلون يلتهم بالصبر ،
_لَكن اختي رنيم بعدها طفلة
وغلبها خوفها وقهرتها على نفسها
وعلى الذلة اللي عاشتها بـ ذاك اليوم بسبب اللي ما يخافون الله
وانا ودرة لو موجودين ما نسمح اللي صار يصير
لَكن استغلو ضعفها ووحدتها ،
_وبالتالي نفذ صبرها بسهولة
والتجئت لـ مكان مهجور لـمدة اشهر طويلة
وكُلنا نعرف ان المكان مــن ينهجر وما يتسمى بيه
راح يصير مو نظيف والعياذُ بالله
جانت امي دوم تعلمنا مــن ندخل اي مكان بـ بيتنا لازم نسمي بـ اسم الله
حتى ينطرد اي شيء ملعون داخل الغرفة ،
_وبعد استفساري الطويل لـ العديد مــن العُلماء بالدين والسادة
عرفت أنَ اختي ممسوسة اسم الله
صاير عندها مس
_واحد السادة گلي أنَ الابتعاد عن ذكر رب العالمين
والعُزلة الدائمة
وفي بعض الاحيان الحزن والبُكاء في مكان مظلم
يجلب المس لان نعلت الله عليه
يعرُف ان هذا الانسان ضعيف
والجن ما يحب الانسان القوي والمؤمن
يلتجئ دائماً وياذي الانسان الضعيف والمهزوز ،
_فـ مــن المُمكن أنَ اختي صابها مس ،
سدن : مسحت دموعي وحجيت :
زين سيد شلون اكدر اخلص اختي مــن هالـ حالة،
_احجيلي بنتي بالضبط ؟
انتو ما لاحظتو اي تغيير بـ مرور الوقت.
سدن : وسرحت بـ ذاكرتي ...
_من بعد اخر زيارة للسيد اللي بالنجف
رجعو درة ورفق فرحانين نوعاً ما
ويحسون اكو تحسُن ملحوظ بـ حال رنيم
لَكن اللي صار هيَ جانت ؏ الاغلب تمثل علينا
واكو تصرفات تثبت هذا الشيء ،
_مثل بـ يوم مــن الايام ...
،،،
رفق : صحيت مــن النوم مــن بعد اسبوع مــن موضوع رنيم
ورحت للحمام برة
وبيت اهلي ما بيه حمام داخلي فـ طلعت اتمشى وانا النومة بعيني
لمحت رنيم بالحديقة وتوقفت اشوفها !!
أنت تقرأ
أن تقتل بريئاً
Actionرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
