أن تقتل بريئاً

Part 3

أنّ تقتِل بريئاً ،

(تبارك محمد )

ميخالف ..الله ما يضيع تعبنا
ميخالف ..الله راح يعوضنا
ميخالف ..الله ما ينسانا
ميخالف ..راح تعدي !

،،،

ام درة : ورة كُل مرة قوية ..
رجال يسندها ويحبها
رجال واگف بظهرها وكت الشدايد
لَكن گرت عينها اللي بدون سند
اللي حايط بيتها مايل
وطفت شمعة سنينها !!!

_ عشت حياة وطفولة حلوة بوجود ابوي وامي الله يرحمهُم
كبرت ووكبرو وتعبو وتوفى والدي

_من بعدها بـ فترة قصيرة امي تعبها وهد حيلها السُكر
وتوفت هيَ بعد الله يرحمهم ويجعلهم مــن اهل الجنة ..

_انكسرت وعشت الوحدة عَن حق وحقيقة
انذليت واستقوو علية نسوان اخوتي

_وصرت اخدمهم هُما وجهالهم في سبيل يفكون ياخة عني
جنت ضعيفة الشخصية مــن انا طفلة ..

_حتى اللي يضربني ويقلل مني ادنگ راسي
وابلعها واسكُت ..

_مو بيدي انا تربيت على هذا المبدئ
ومحو شخصيتي وصرت مداس لليسوى والما يسوى ..

_جنت تالي الليل على سجادتي ابجي وادعي مــن كُل گلبي
كون يجيني عوض يغير حياتي ويلونها ..

_ لَكن جنت ناسية أنّ الله احن مــن الام على طفلها ،

_فترة طويلة مــن العذاب والمشقَة واخواني ما التفتو الي
ولا چني انا اختهم ومن ريحة امهم ..

،،،

_اجاني اخوي وگلي متقدم الچ واحد اعرفة
خوش رجل مشهودتله بالاخلاق
ورجال صايم مصلي وما تلگين مثلة
وتزوجي بعد شمنتظرة احسن ما يفوتچ القطار ..

_كعد وياي قريب الساعتين بـــس في سبيل يخلص مــن الحمل اللي عليه
رغم شنو هو الحمل ؟
انا ما اضغط عليهم اكلي مــن اكلهُم
وانا مبطلة ما ادرس اساساً

_بالعكس مدارية جهالهم وشايلة عزايمهم !
بـــس انا اعرُف اخوي مو مــن ذاته يتصرف هيچ
اعرف اكو مــن يحش بـ دماغة عليَ ..

_توكلت على الله وتزوجت رغُم انا متخوفة
بـــس ردولة خبر للرجال المتقدم الي
واجة هو واهلة وتمت الخطوبة