ان تقتل بريئاً ..
(تبارك محمد )
شنو هالـ ضياع الماله تالي
انا مــن يا وكت صاير لا ابالي؟
انا اول تالي افز ما عندي غالي
وهذا مــن يمتى البرود؟
بروحي هيچ ؟
شغيرچ يا روحي گولي !
،،،
موج : كاعدة بــ بدلتي البيضة
وحسب ما گالو طالعة جداً جميلة
جميلة الشكل الخارجي لَكن الله يعين اليشوف الداخل
داخلي مُحطم مثل المراية المكسورة وما الها صلح بعد
طافي كل شي بعيوني
صفكات وهلاهل والوالدة كل شوية تخطف نظرات وتباوعلي
تريد تلمح الفرحة بعيوني
وانا ابتسم احاول اطمنها
ما الها ذنب تبقى شايلة همي وتكتم قهرها بداخلها ..
راحت وياي رفق للصالون ودرة
وسدن ما الها واهس بـ هاي الامور حتى بـ نص الحفلة ما نزعت الحجاب ابداً واحنا بعد تركناها على راحتها
چــان المكياج والتنسيق والترتيب كله على ذوق درة
ورفق كانت لابسة فستان قصير بنفسجي بــ اكمام طويلة شفافة
ولأول مرة تجرب المكياج الخفيف
وطلعت جداً جميلة وملامحها حادة
معَ شعرها الاسود القصير
ودرة طبعاً انيقة جداً كانت لابسة فستان اسود طويل سمبل وبسيط
وشعرها طويل جداً وطالعة راقية بــ شكل المعازيم كلها تسأل هالحلوة منو؟
دخلو بيت عمي اهل همام
وبيت اهلي انملئ بالعالم
احس الدنيا صارت تفتر بية مــن الدوخة وما ماكلة ابداً
ولان فترة وِحام فــ كارهة كل شيء
شوية وصارت هوسات عالية وصارو يصيحون
أنت تقرأ
أن تقتل بريئاً
Actionرواية أنّ تقتِل بريئاً (تبارك محمد ) . بكُل فخر .. لقد تغلبنا على الصِعاب معاً رغُم قباحة البشر رغُم أنفّ القبيلة رغُم قلة الحَظ _لَكن اجتازينا الطريق سوياً وبِكُل خطوة عثرة وذِكرى .. لَكن بعض الذكريات لا تُنسى وتبقى حُفرة مُعتِمة داخل روح ك...
