أن تقتل بريئاً

Part 9

ان تقتل بريئاً

(تبارك محمد )

حتى ذاك الجان ظهري تبرا مني !
يـ هَلي هواي المحاچي اليوجعني
واناشغ درب المتاعب
وأضيع هناك يم محد ويتلولح بـ چفي
هلي وبلكت تشوفوني
آنا تعبان ومتفرهد !!!

،،،

درة : بيدي انا دفعت اختي للموت
هذيچ الليلة ما انسى صعوبتها وهول الموقف اللي عشت بيه
لَكن انا مُجبرة وليسَ مخيرة
انا لـ سلامتها والـ صحتها انجبرت اسوي هالشكل
ومتأكدة بعدين راح تتفهمني وتعذرني
لَكن ما اعرف گلبها حالياً شنو بداخله ؟
اكيد حقدت علية ..

_بعد ما دفعتها ووكعت بالشط صرنا نصرخ بـ فزع
اجة يركُض رائد وذب نفسة وصار يسحبها حتى يطلعها
طلع وهيَ بيديه ترجف وعينها وانظارها كُلها متوجهها على الشط
ومبحلقة عيونها بـ فزع
رحت اركض الها وحضنتها ..

درة : بنيتي رنيم
انا اسفة واللــه اسفة ياعمري
صدگيني المصلحتچ سويت هالشي واللــه
اريدة هالملعون يبتعد عنچ ..

_صدت عينها علية وسرحت بية شوية
حجت بـ ألم ..

رنيم : مقدرة خوفكم خواتي ..
اخذوني للبيت اريد ارتاح ..

درة : وصرنا متوجهين للبيت وانا اباوعلها تمشي بـ تعب وعينها تتلفت على كُل مكان حوالينا
وانا ادعي بـ گلبي ياربِ تخلص مــن هالشدة ..

،،

رنيم .. مستحيل انا ارجع رنيم القديمة وما اضن بـ يوم الگه روحي القديمة..

_بعد هذيچ الليلة واللي صارلي وياه
ايقنت تماماً هوَ كابوس ما راح يفارقني نهائي
ومن خلال حديث اخواتي بـ يوماً ما
عرفت أن اللي بية هوَ مس عاشق
وتأكدت بـ طريقتي ..
بكُل لقاء صرت اعرُف الجملة اللي يكولها .... 974

974 رمز مُشفر وهوَ يرمز لـِ كلمة " اشتقَت لَكِ" 

_احس روحي تغيب عني
وهوَ اللي يستحل روحي
ويصير يتقرب الي ويتملس شعري الطويل ..

_بعض الاحيان اشوف شكله البشع
وبعض الاحيان لا بـــس صوته ...

_ولما احجي وادخُل بـ حديث طويل معَ خواتي
او همام او رائد
احس جسمي يصير ينتفُض وروحي تنسحب
لحد ما ادخُل للغرفة  او انعزل مكان وحدي
يلا وقتها يتركني بـ حالي وارجع طبيعية ..