أن تقتل بريئاً

Part 14

ان تقتل بريئاً ..

(تبارك محمد)

أذا باچر متت وبية تحتارون
عوفوا السبب عندي
وگبل دفنوني
وأبد ماريد واحد يسأل
عن سبب هالـ موت
لو بيكم نفع
مو وحدي عفتوني ...

،،،

رفق : سمعنا صوت صرخة رنيم والدنيا جانت صبح
بالنسبة النا صرنا نتعود على هذا الوضع
صح نبچي وننقهر
بـــس مابيدنا شيء
لو نبقى اليوم كله گبال الباب هم ما تفتح
بس اللي صار اليوم ضلت امي كبال باب الغرفة تبجي
وتصيح ..

ام درة : يمة رنيمة افتحي الباب
افتحي الباب لا تخلين كلبي نار عليچ
شبيج يمة ..

درة : يمة ما تفتح الباب تدرين بيها مابيها شيء
بـــس مو بيدها الموضوع خارج سيطرتها
وتتصرف تصرفات مو بوعيها ..

ام درة : لاااا انا حاسة بنيتي بيها شي
كلبي مثل النار وهي ماجاي ترد
افتحولي الباب اريد اتطمن عليها ..

رفق : بقت درة تحاول تقنع امي
بـــس امي فعلاً جان كلبها نار وتلوب يم الباب
كلبي وجعني وما تحملت اشوفها مفرفحة هالـ شكل
لبست نعالي وطلعت اركض وقررت اروحلة بدون اي تردد..

_وصلت بيتهم ودكيت الباب
محد سمعني دفعت الباب ودخلت
صارت بـ وجهي خالتي ام موج ..

ام موج : هلا هلا توه نور البيت

رفق : هلا يمة شلونج
امي اريد همام يجي يكسر النا باب غرفة رنيم اختي

ام موج : شصاير يـ يمة شبيها اخيتج ياستار

رفق : واللــه يمة ماندري
سمعنا صوت صريخها الصبح كـ العادة
بـــس هالمرة الوالدة كلبها ما مرتاح
وتريد تدخل تتطمن عليها لان الباب مقفول
ونريد احد يكسر النا الباب ..

ام موج : اووف عمت عيني عليج يـ سهر
جبتيها مــن تعب التعب ..
هسه يمة اصيحلج همام

رفق : اي واللــه الحمدالله والشكر
بين ما تصيحي انا داخلة اتطمن على موج ..

ام موج : البيت بيتج حبيبة..

رفق : دكيت الباب ودخلت
وشفتها حـبيبتي مثل الوردة الذبلانة
كاعدة وايديها على خدها وتتأمل صورتها وهيَ صغيرة معَ والدها
رحت عليها حضنتها ..

موج : هلو رفق
شو صايرة ما تجيني هالكد ؟

رفق : واللــه اعذريني وحقج علية
بالي مشغول بـ مرض اختي
وكلنا متأذين عليها ونحاول ولو شويه نطلعها مــن البلوة اللي هي بيها
وهسه اصلاً جيت راكضة مــن البيت اريد همام يجي يكسر باب الغرفة
نريد نشوف شبيها نتطمن عليها .

موج : الله يشافيها ما تستاهل واللــه ..

رفق : فدوة لكلبج اختي الحلوة
شنو أنــتِ ماجاي تاكلين
لـيش هالشكل وجهج اصفر وذبلانة
يعني تسوين بنفسج هيج
علمود قاسم النذل؟
هو عايش حياته طبيعي وانتي معذبة روحچ
ومحبوسة ببين 4 حيطان
لـيش تحملين نفسج ذنب وانتي الذنب مو ذنبج؟