🌺صيدتو بصنارة🌺 ( مكتملة )

part 1

�صيدتو بصنارة�
بقلمي:دعاء ابن الفقيه
الجزء الاول:
فدوار ولاد الرواجح وكاين لي كيعيط ليه ولاد الحجاجي فواحد دار كبيرة كانت دايرة بيها رياض واسع مقصميناه على النص فجيهة كاينة البقر تياكل العشب و الخرفان والحمير  حتى هي مفرقين بيناتهم  غا بواحد السياج صغير وفجيهة تانية مخليينها ومن ورا دار كاين بئر وفواحد جيهة عاملين نافورة وباقي رياض مخلييناه ليهم يطلقو فيه رجليهم ويديرو فيه كاسكروط لا رشقت ليهم... وسط داك الدار الكبيرة المكونة من جوج طبقات وواسعة فواحد البيوت كانت بنت فعمرها 18 سنة  شعرها كحل ناعسة وحالة فمها وجالسة فالأرض حداها ختها فعمرها 24  بشعرها البرتقالي كيرلي ومنفخ كيشي قفة كتخدم بصوف وتحيك وشاح لنعجتها لي قريب تخرج وتولدها مها كتحيك وتحك فشعرها وتشوف فختها تمد يدها وتزعزعها
غيثة :وا زهور فيقي فيقي قبل لا تجي ماما تحصلك ناعسة
زهور( مغمضة عينيها ومغوبشة):سيري خرجي من بيتي ماسوقكش
غيثة:واتي فيقي قالاك راه صبنت ودرت شغل دار كلها ونتي باقا ناعسة
ناضت تجلسات زهور كتتكسل وشافت فغيثة وقالت:تاتي كتفيقي مع الفجر راه يلاه 12 تاع صباح هادي شوفي الساعة( هزاتها وكتوريهالها)
غيثة:واتي يلاهي باش تفطري وننزلو للواد نصطادو الحوت نشويوه يجي لذيذ
زهور:لا مبغيتش غا سيري وحدك
جات لالة يزة مامات البنات لابسة كسوة قديمة رشات بتصبان ومتزراها بالحايك تاع جبالة وقفت عند باب البيت
يزة:والله يعميها ليك اديك شعكاكة دالمعزة وحتى نتي جالسة تحكيلي تم فحال جداتك زوليخة تونوضو تكعدو ليوم جاي سيد الرجال للدار ضيف عندنا خاصنا نوضو ونقومو بالواجب ونديروه فوق راسنا راه فالطريق وقريب يوصل
غيثة:ياك سيد الرجال كتقوليها لبابا
زهور:هذا صاحبها يمكن هخخخخ
غيثة:لالا ولي العهد ايحل محل بابا
زهور:اجي قالت نعملوه فوق راسنا
غيثة:قصدات زعماك نهزوه فعمارية ويييع
زهور:وناري ادومة مي كرشي
غيثة:لا صوفيا طالوني
يزة:والله يعميها ليكم يا بنات الحرام دايريني ضحكة راه جاي ولد خالتكم طامو سيفطوه لهنا عقوبة ومن المدينة
غيثة:عقوبة اممم هي نديرو ليه فلقة
زهور:ياي ولد المدينة يعني ايكون تيتيز وبوكو عاقة لالا انا دبا نوض الله ياودي
غيثة:اجي حنا عندنا خالة بعداك؟
يزة:وياه عندكم غا هو زهرها ليهودي طاحت فواحد ولد الحرام متيخاليهاش تخرج نهائيا من غير عند خوتو هو بيناتنا غا تينيفون
غيثة:طيليفون الالة يزة... شوفو انا ننزل للواد نصطاد ونديرو حوت مشوي العشا اماما
يزة:ايه ايه هوكاك
رجعت يزة لكوزينتها اما زهور فوقفات وتوجهات للحمام غسلت وجهها وخرجت لقات ختها باقا واقفة تم
غيثة:تصاوبيلي شعري؟
زهور:الا الحبيبة انا مشغولة خاصني نلبس وندير ضفران والميكاب ونتي اصلا اتنزلي تصطادي هانية وعادك راه هو ولد المدينة مغايشوفش فوحدة قرات غا فالابتدائي وخرجت من الخامس اما انا راه العام الجاي نكمل 19 وتكون عندي الجامعة
غيثة:تاتي شكون داها فيه كنت بغيت غا نجرب شعري مطلوق وزايدون راه هوما خرجوني باش نعاونهم فالدار ومتنسايش شكون نوض حرب غا باش يخليواك تكملي قرايتك ودبا انمشي... خرجت قالبة شفايفها وهازة فيدها  صوفتها مشات لبيتها ودخلت رماتها فوق الفراش وحلت صندوق طويل جبدت منو صنارة وخيط وصندوق فيه الطعم وخرجت من بيتها نزلت من الدروج دخلت للكوزينة هزات تفاحة خباتها فجيبها  ومشات جبدت دراجتها وانطلقت لطريق الواد وفينما شافت شي حد من ولاد الدوار ولا بناتها تحييهم... بقات ماشا ومع الأرض فيها الحفاري كتكون علاين تطيح... وصلت واخيرا للواد
يتبع