🌺صيدتو بصنارة🌺 ( مكتملة )

part10

➿صيدتو بصنارة➿
بقلمي:دعاء ابن الفقيه
الجزء 10:
يزة:(شافت فشعيب)اتا شوف مك اش سايرة كتقول هاء كنتي كتاكل وكتتفرج فينا
شعيب:اوا شنو بغيتي ني ندخل فمقاتلة العيالات اوهو يلاه حطي الغدا زهور سيري جمعي شعكاكتك بنتي فحال عيشة قنديشة وحتى نتي اغيثة.. احباس تفكرت شكون هذاك لي وجهو حمر وكيتعصر علاين يحزق
يزة:هذاك ولد ختي طامو لاعاقل عليها
شعيب:اه عقلتها وعلاش يخفى عليا القمر
يزة:شناهوا؟
جواد :شنو؟
شعيب:اتو مالكم هي قمر ونتي شمس حررتي عليا عيشتي بنجيرك
يزة:ولا كليتي اجي دفل عليا
شعيب:اعلا زين غذاك
يزة:ها حنا انشوفو... مشات دخلت للكوزينة اما جواد فدخل لبيتو كيعرج وزهور وغيثة طلعو لبيتهم مشطو شعرهم وجلسو فالصالون مع زوليخة لي كاتنجر وشعيب لي ممسوقش جالس كيلعب دودة فنوكيا.... جات يزة وحطت طبسيل ددجاج محمر يلاه مد يديه شعيب يقطع منو وهي ضربها ليه
يزة:ياك غدايا خايب اوا جمع يدك هكاو وتوما سيرو جيبو شلادة وطاجين لي مكيعجبوش الدجاج ياكل منو ولي شاط من غدانا ناكلوه فعشانا وسيرو دقو على إسحاق وجواد
زوليخة:هانتا أولدي مدخلة علينا سحاقي
شعيب:لا سميتو إسحاق ولكن شكون هذا؟
يزة:هذاك صاحب ولد ختي
مشاو البنات جابو طبسيل دشلادة وطاجين ومشات زهور كتجري دقات الباب على إسحاق غير حلها وهي ترقق فصوتها
زهور:ءء حطينا الغدا اجي تتغدا
اسحاق:فين جا الحمام بعدا
زهور:اجي نوريه ليك خداتو معاها اما غيثة فمشات ودقت دقة دالعسكر على جواد زعزعت الباب
جواد:دخول
غيثة( حلات الباب ودخلت):يدخل فيك كاميون يشتتك وميلقاو ميجمعو فيك أن شاء الله خرج خرج تتغدا تاكل فيه السم ان شاء الله مايجي يهبط لكرشك حتى يكون فسد واجيك سريسرة وخراك ميجمعو حد
يتبع