🌺صيدتو بصنارة🌺 ( مكتملة )

part55

➿صيدتو بصنارة➿
بقلمي:دعاء ابن الفقيه
الجزء 55:
جواد:امتخافيش انشوفو شي حل معاه ميمدش يدو عليك
غيثة:شفتي با فاش كيتعصب كيولي ثور
جواد:متخفشي
  فالدوار فاقت يزة صلاة ووجدة الفطور وفيقت زهور بزز منها ناضت تخمل الدار وتجفف وتجمعها وعينها كيتغمضو بحدهم بالنعاس مشات عاودت غسلت وجهها وكملت شغولها حتى فاق كلشي وخرج إسحاق لقا زهور هازا سطولة وطالعة بيهم
اسحاق:هاي هاي حداكيتي
زهور:بعد مني عييت
اسحاق:وايلي الاميرة ديالنا عيات عنداك طيحي
زهور:طيح فوقك طيارة ان شاء الله... كملت طريقها ومشات لواحد البيت صغير فيه أدوات التنظيف حطات فيه داك شي ومشات للحمام غسلت يدها ووجهها ودوزت على عنقها عاد مشات للبيتها بدلت عليها ونزلت تفطر وباين عليها الإرهاق
يزة :شتي ختك كانت كتعمل ماكتر ومكانتش كتعيا يا المعكازة
زهور:ليه ومن بعد ياك نقيت دار وصاف خليني نفطر هاء
شعيب:داك البنت باقا مجات هاه اتا بربي حتى ندبح ديك البقرة غا بلاتي
زوليخة:اتدبح البقرة؟ اينا بقرة من البقرات واش مراتك ولا زهرة
يزة:والله يعميها ليك بزاف عليك انا
زوليخة:نبحي غير بشوية ... بداو يفطرو ويزة و زوليخة كيغنزرو فبعضهم علاين ياكلو بعضهم بعينيهم غير كملو ناضت تاني زهور تجمع داك شي وتافاف واسحاق يشوف فيها ويضحك وهي توقف حطت يدها على خصرها وشافت فيه
زهور:شتك كتضحك وجالس ماما قول لاسحاق يخرج ينظف جيهت الحمام والبقرة ويعطيهم مياكلو
يزة:ايه نوض
اسحاق:احح هجرتو... ناض بزز مشا خرج لتم كيشوف فداك شي وينفخ مشا هز شطابة وبالة كيشطب داك شي ويجمعو ويرميه فطارو وهي تجي زهور كتضحك
زهور:اوه من يضحك اولا يبكي اخيرا بالاك تنسا متخرجش زبل
اسحاق :وفين نحطو؟
زهور:اتنزل مع الدرب لتحت اتلقا طارو كبير رميه تم
اسحاق:ايه وخا يا بسم الله... قرب لعندها ووهزها على كتافو وتم ماشي بيها
يتبع