➿صيدتو بصنارة➿
بقلمي:دعاء ابن الفقيه
الجزء 11:
جواد:تي منين كتطفاي طفو خرجي من هنا ملقاو لمن يسيفطو
غيثة:عندك زهر انك تشوف وجهي راه البعض محرومين من هاد النعمة
جواد :ياربي تحرمني معاهم... خرجت غيثة وناض هو مشا بعداك غسل يدو عاد جا وجلس وجات زهور مع إسحاق وجلسو
شعيب:وتا عطيني غا نذوق احرام عليك
يزة:ياك ما كلتي خيبة وسير كول البيصار فزنقة
شعيب:وراه كنت غير كنضحك معاك الهبيلة علاه لي عندو نوارة فدار زين والحداكة ولي شافها يدوخ ولي مداح يسخف يمشي ياكل فزنقة حشومة وعيب وعار على شعيب الحجاجي هاتي يدك اراي لهنا... شد يدها بجوج فيد وحدة وقال:يا بسم الله بداو تاكلو
يزة:هاويلي حي طلق من يدي طلق
بقا شاد ومزير عليها كياكل دغمة فيها عشرة دغمات كيعمرفمو ويبقا حتى يمدغها ويبلعها وزوليخة تضحك وتاكل اما الباقي مقدرش يمد يدو غير كيتفرج ويزة عيات تتعوج وتترطا وتقول واش طلق منها حتى عمر كرشو عاد ناض ودفل عليها
شعيب:اتفو و... ياك عاقلة قلتي لا كليت اجي دفل عليا وهانا دفلت
زوليخة :اعطي لموها
يزة:تا بربي لا بقات فيك... حيدت صندالة تاع الميكا من رجلها وهو طلق رجليه لريح هو هربان وهي تابعاه
فلخر خرج مع الباب رمات عليه الصندالة جاتو فراس خلاها ومشا
مشات لبساتها وجعت للكوزينة غسلت يدها ورجعت جلست
يزة:كولو أولادي
شاف جواد واسحاق فديك دجاجة لي كانو كيدابزو عليها عافوها وشافو فطاجين وضحكو وبداو ياكلو منو
اما غيثة فبالها كان كيخطط فشي تاني وكتبتسم غير بحدها ناضت ومشات غسلت يدها وخرجت اما زهور فكانت كتشوف فاسحاق وجواد وكتقارن بيناتهم وفمن تطيح
يتبع
أنت تقرأ
🌺صيدتو بصنارة🌺 ( مكتملة )
Actionوحيت معنديش مع التقديمات المملة لي اغلبكم مكيقراهش فغاندوزو مباشرة للموضوع😜 القصة من النوع الكوميدي وشي حاجة فوق الكوميدية رغم أن العنوان بسيط وغريب😂 بعنوان:#صيدتو_بصنارة بكلافيي اقصدي بقلمي: ✍️ دعاء ابن الفقيه حصريا على صفحة قصص مغربية بالدارجة �...
