🌺صيدتو بصنارة🌺 ( مكتملة )

part28

➿صيدتو بصنارة➿
بقلمي:دعاء ابن الفقيه
الجزء 28:
خداه الصياد للدوار شكرو إسحاق ومشا لدار عقلها فين دخل ومشا للكوزينة عند يزة
اسحاق:ءء خالتي بغيت نسولك فين دوش بغيت ندوش طحت فالواد
يزة:كاين واحد الفوق فطبقة تانية راه بابو فالابيض وواحد راه فجيهة لورانية ددار
إسحاق :صاف انطلع للفوق شكرا
يزة:العفو اوليدي... مشا إسحاق لبيتو جبد الحوايج لي ايبدل بيهم وطلع للفوق يلاه ايحل باب الحمام وهي تحلو زهور وخرجت
زهور:اووه جيتي عقلتي على طريق
اسحاق:يسحب ليك عندي عقل حيوان فحالك هههه طبعا انعقل
زهور:عادي كل واحد كيهضر على البيئة لي تربى فيها( ضربت ليه كتفو)تربيتي مع عائلة عندها عقل حيوان
شدها إسحاق من معصم يدها ردولها لور وزير عليه :عاودي اش قلتي
زهور:لالا طلق طلق غير نشرح ليك اححح اتهرسو
اسحاق:راه خاصو يتهرس نيت
زهور:وطلق والله حتى نقولها لماما
اسحاق:قولها حتال جدك مكنخاف من حد( قرب لوجهها وشاف فعينها)ديك تبرهيش ديالك وافعالك باش تبيني راسك كيوت ميجيوش معايا
زهور:انا مكنبينش راسي كيوت من غير لا كنتي وحش وبنتلك بريئة بنوتة حلوة كيوت اوبس هاها
إسحاق( طلع حاجب ونزل تاني):تواضعي شوية اسميتك
زهور:علاه شكون انت باش نتواضع معاك
اسحاق:لي ايهرس ليك يديك( قلبها لها حتى غوتت وتسمع صوت ديدها تهرس )
يتبع...