🌺صيدتو بصنارة🌺 ( مكتملة )

part17

➿صيدتو بصنارة➿
بقلمي:دعاء ابن الفقيه
الجزء 17:
جواد:ياكما نطيب ليك الما صخون  فين هاد طبيب باش نمشي ليه
وقفت كتنفض يدها :شووف اتنزل مع هاد طريق وادور على يدك اليمين واتمشي الباب تاسعة ودق عليهم غير تخرج عندك عيشة مرتو قول ليها بغيت الحجام
جواد:واش حجام ولا طبيب بيطري
غيثة:راه حجام وطبيب بيطري وكيدير الختانة وكيحيد الضراس غاسير دغيا و متنساش الباب تاسع
خرج من الدار وهو خاشي يدو فجيبو كان تقريبا كلشي فايق رجال سايرين لخدمتهم نسا قلال لي غادين للسوق مشا فين نعتت ليه غيثة ودق الباب بجهد وهي تخرج ليه مرأة غليضة ولونها اسود شافت فيه كطلعو وتهبطو
عيشة:اش حب الخاطر اداك الولد واش دخلتي للإسلام و بغيتي يختنك سي جيلالي
جواد :الا بغيت الحجام يجي لدار غيثة نعجتها كتولد
عيشة:ايه وشكون نتا بعداك
جواد:قريب وصافي
عيشة:ايه ساين شوية هانا ندخل نقولها ليه يلاه كان تيفطر دخل تاكل لابغيتي
جواد:لا شكرا... بقا واقف كيتسنا شوية خرج جيلالي لابس سروال عربي مع طريكو بيض تمشا مع جواد ومبغاش يسكت وكيهضر بجهد
جيلالي:اتا باينة فيك شي كاوري ولا جاي من المدينة اتا سمع لامكنتيش مسلم غا سير قلب على راسك وفاش تسلم تعال نختنك ونطهر ليك بثمن مناسب غير 100 درهم وجيب حتى صحابك
جواد:وانا مسلم ومختن غا سكت شوهتينا
وصلو لدار غيثة دخل جيلالي كيشوف النعجة مشا فحالو جواد ودخل لبيتو معصب تمد فبلاصتو وكمل على النعاس
يتبع