🌺صيدتو بصنارة🌺 ( مكتملة )

part39

➿صيدتو بصنارة➿
بقلمي:دعاء ابن الفقيه
الجزء 39:
مشا جواد عند البقال وخرج راسو كيطل عليها وهي متفرق الحليب وكتاخد فلوسو وتحرك راسها وتبتاسم هنا رضى فضولو وعرفها فين خدامة يلاه جا يدخل وهو يشوف واحد جا خدا من عندها ومبغاش يخلص بقا حاضيها اش غاتعمل
غيثة:شوف دبا اتحطلي رزقي ولا مغايعجبك حال اسي زوبير
زوبير:تأتي راها غا قرعة شغاتزيد شغاتنقص
غيثة:شوف عييت صابرالك ديتي مرة لولة خليتك مرة تانية خليتك لكن تالتة تابتة بربي ومتحط القرعة دالحليب حتى نعمل شي مغايعجبكش
زوبير:اتي اش غديري اديك البنت
غيثة:وخا... هزت آخر قرعة كانت باقا لها حلاتها وكباتها عليه وهو يعقد حجبانو وشاف فيها شوفات شرانية رما القرعة فيدو فالأرض حتى تهرست يلاه جا يضربها كانت عطاتو بديك القرعة لي فيدها لراس وزادت دفعاتو حتى طاح فالأرض وبدأت تركل فيه مشا جواد بزربة جرها قبل لا ترتكب فيه جريمة وهي لاصقة باغا تضربو حيت تهرسولها جوج قرعات فسبتو هزها على كتفو وجر البيشكليطة وتوجه لدار
غيثة:طلقني عليه بربي حتى نعوقو
جواد:كالم داون راك علاين تقتليه
غيثة:حطني... حطها شدت بشكليطتها وكملت طريقها
جواد:اوا لا شكر على واجب.... ضحك ورجع لعند البقال شرا تعبئة ورجع طلع لدار دخل لقاها كتعدل فلبن والجبن ممسوقاش فحالا معملت والو مشا وجلس حداها
غيثة:تقاداو البلايص ملقيتي غير هنا تجلس
جواد:اري نجرب عمرني عدلت هاد شي
غيثة:هانتا مع عندك فيدك خشبات اتقطع هاد شي غير بشوية دفعها بقا تخلط بجهد ومتضغطش بزاف
حط يجيه جواد كيحرك فالحليب لي وسط كيس بلاستيكي معلق فشجرة بالحبل بقا كيحرك وغيثة كل مرة تقولو ميتكيش ليفرجعو
غيثة:شفتي لافرجعتيه انفرجعك
جواد:اسكتي عرفناك راجل ونص
غيثة:اجي نعلمك الرجولة
يتبع