➿صيدتو بصنارة➿
بقلمي:دعاء ابن الفقيه
الجزء 42:
كملو فطورهم وناضو جمعو داك شي طلعت زهور لبيتها وهو يتبعها إسحاق ودخل من وراها مع دارت كتلقاه وراها
زهور:اش كدير هنا؟
اسحاق:جيت نعتاذر على يدك لي هرست البارح وجبت كادو ليك
زهور:امم وايلي
إسحاق :ايه....مد ليها صندوقة صغيرة مستطيلة وطويلة كان مخليها فجيبو شداتها من عندو وضحكت
زهور:امم اوا مدامك عتادرتي حتى انا غنعتادر على البارح حيت طيحتك
اسحاق:معليش بلا متعتادري
زهور:نقدر نحلها؟
إسحاق :ايه طبعا... حلت البواط وهي تجبر ماكينة دالحلاقة جيليت... جبداتها وشافت فيها وشافت فيه :شهادا؟
إسحاق :الماكينة دالحلاقة باش تحيدس مسطاجك راه كيطل اميس خخخخ وشكرا على الاعتذار لي قدمتيه... خرج وهي تشيرها عليه خلاها مرمية ونزل ... بقات شادة فيدها وماشا ماجا كتفكر كيفاش تردها ليه
نزل إسحاق لبرا وخرج للرياض لقا زوليخة كتحفر فالأرض بعكازها وترجع تغطيها
اسحاق:شكتعملي؟
زوليخة( دارت لعندو مغوبشة):اكنقلب على السحور لي دافنالي ديك السحارة ديزة... تحنات تاني كتحفر وتعاود تمشي للجهة التانية شوية شافت فيه
زوليخة:انا اتبقا حاضيني غبر من قدامي لانجي نحفر ليك عينيك
حرك راسو بلا حول الله ومشا لجيهت البقرة دخل لعندها كيمسح لها على راسها شوية جات عندو غيثة
غيثة:فين جواد عندو خدمتو؟
اسحاق:فيلا علاش؟
غيثة:والو غا سولت
اسحاق:اجي قبيلة كنتي جالسة حدا جواد وكتتصنتي عليه فاش كان كيهضر
غيثة:انا؟ اوا الله يعميها ليك
يتبع
أنت تقرأ
🌺صيدتو بصنارة🌺 ( مكتملة )
Actionوحيت معنديش مع التقديمات المملة لي اغلبكم مكيقراهش فغاندوزو مباشرة للموضوع😜 القصة من النوع الكوميدي وشي حاجة فوق الكوميدية رغم أن العنوان بسيط وغريب😂 بعنوان:#صيدتو_بصنارة بكلافيي اقصدي بقلمي: ✍️ دعاء ابن الفقيه حصريا على صفحة قصص مغربية بالدارجة �...
